Rulleringa av Regionalt miljøprogram i Rogaland har starta

Ny kabal for 66 millionar kroner i regionalt miljøtilskot skal leggast i 2022. Regionalt miljøprogram skal treffe miljøutfordringane i Rogaland, og Statsforvaltaren i Rogaland, Rogaland bondelag, Rogaland bonde- og småbrukarlag skal i fellesskap velje ut kva slags miljøtilskot som skal gjelde i fylket.

Dette innhaldet er meir enn eitt år gammalt. Informasjonen kan derfor vere utdatert.

Publisert 12.07.2022

Forslaget til nytt Regionalt miljøprogram i Rogaland 2023–2026 skal vere klar til utsjekk hos Landbruksdirektoratet 15. oktober, og kjem på høyring i desember. I forkant av høyringa inviterer Statsforvaltaren til opne temamøte for å få innspel til miljøprogrammet, og for å få merksemd kring dei ulike miljøtema i planen. Det er faglege innlegg på kvart møte, og fleire av møta er i samarbeid med Rogaland fylkeskommune og Rogaland bondelag. Program og link til påmeldingsskjema finn du i nettsakene tilhøyrande temamøta.

Oversikt over temamøte

Kva tiltak kan vi velje?

Landbruksdirektoratet publiserte nyleg sin instruks for regionale miljøtilskot 2023–2026. Instruksen gir oversikt dei regionale miljøtilskota som Rogaland kan velje å ta i bruk. Instruksen opnar for at dagens ordningar i Rogaland kan førast vidare i ny programperiode. Stor auke i økonomisk ramme gjer at Rogaland må diskutere å ta i bruk nye tilskotsordningar.

Styringsgruppe for Regionalt miljøprogram

Statsforvaltaren administrerer Regionalt miljøprogram. Det er sett saman ei styringsgruppe som er med og set tilskotssatsar og føringar for Rogaland. Styringsgruppa har minimum to møte i året, og består per 1. juli 2022 av desse personane:

Geir Skadberg	leiar av styringsgruppa, Statsforvaltaren, landbruk
Monica Dahlmo	Statsforvaltaren, landbruk
Nono Dimby	Statsforvaltaren, landbruk
Kirsten Redmond Kristiansen	Statsforvaltaren, miljø
Kristian Wilén Haaland	Statsforvaltaren, miljø
Kjersti Dahl	Rogaland fylkeskommune, kulturarv
Steinar Eldøy	Rogaland fylkeskommune, regionalplan
Irene Tjøstheim	Rogaland Bondelag
Stig Helgesen	Rogaland Bonde- og småbrukarlag
Steinar Nordvoll	Eigersund og Sokndal kommunar, representant for kommunal landbruksforvaltning
Birgitt Harstad	Norsk landbruksrådgiving Rogaland

Kontaktpersonar

Lenkjer

Informasjonsside om Regionalt miljøprogram Ny instruks for regionalt miljøtilskot Rullering av Regionalt miljøprogram i Rogaland, temamøte om friluftsliv Rullering av Regionalt miljøprogram i Rogaland, temamøte om kulturminne og kulturmiljø Rullering av Regionalt miljøprogram i Rogaland, temamøte om klima, jordliv og jordhelse Rullering av Regionalt miljøprogram i Rogaland, temamøte om biologisk mangfald Rullering av Regionalt miljøprogram i Rogaland, temamøte om forureining frå jordbruket

FNs 15. berekraftsmål: Bærekraftig bruk av økosystemer, bærekraftig skogforvaltning, bekjempe ørkenspredning, stanse landforringelse og tap av artsmangfold.

FNs 13. berekraftsmål: Handle umiddelbart for å bekjempe klimaendringene og konsekvensene av dem.

FNs 6. bærekraftsmål: Sikre bærekraftig vannforvaltning og tilgang til vann og gode sanitærforhold for alle.