Bruk av tre
Statsforvaltaren skal bidra til auka bruk av tre som bygningsmaterial. Oppdraget har vi fått frå Landbruks- og matdepartementet.
Tre er fornybart, miljøvennleg og framtidsretta. Som byggematerial er tre allsidig og raskt å bygge med. Dessutan er trematerial konkurransedyktige både økonomisk, miljømessig og i mange tilfelle også teknisk.
Prosjektet Tredrivaren i Møre og Romsdal skal bidra til å auke bruken og kompetansen om tre som bygningsmateriale. Tredrivaren skal også bidra til auka verdiskaping hos trebasert industri.
Prosjektet er oppretta av Statsforvaltaren i Møre og Romsdal i eit samarbeid med Innovasjon Norge, Fylkeskommunen i Møre og Romsdal, Arkitektforeininga, Skognæringsforum og Trefokus.
Kva kan tre som byggemateriale nyttast til?
Under eit seminar i Molde 22. september vil ulike løysingar for å bygge større bygningar i tre bli presenterte. Med Romsdalsmuseet og nye Romsdal VGS som særprega og nyskapande eksempel vil vi presentere gode løysingar for lyd, brann, drift, arkitektur og økonomi.
Publisert 20.05.2016
Stort potensiale for tre som bygningsmateriell
Tre har lange tradisjonar som byggemateriale og har dei seinare åra også blitt meir aktuelt til konstruksjonar i større og meir komplekse bygg.
