Konsekvensutgreiinga for marint vern Sognefjorden er på plass

en robåt i eit landskap med fjell og fjord
Med kunnskap om kva eit marint vern vil medføre av konsekvensar på tema som til dømes naturmiljø, akvakultur og samferdsel kan vi arbeide vidare for å finne dei best mogelege løysingane for både natur og samfunn. Foto: Vegard Byrkjeland Aasen.

Konsekvensane av å opprette eit marint verneområde i Sognefjorden er greidd ut av Akvaplan-niva. Rapporten vurderer den samla konsekvensen for oppretting av eit marint verneområde i Sognefjorden som positiv samanlikna med nullalternativet. 

Publisert 12.05.2025

Bakgrunn for arbeidet med marint vern

I desember 2022 meldte vi oppstart av prosess for marint vern av Sognefjorden etter oppdrag frå Miljødirektoratet. Dette byggjer på eit arbeid som starta i 2001, då eit rådgjevande utval vart oppnemnt for å peike ut eigna område for marint vern. Utvalet gav i 2004 ei tilråding om vern av 36 kandidatområde. Sognefjorden var eitt av 12 føreslegne område nasjonalt i kategorien fjordar, og er dermed vurdert til å vere eit av dei viktigaste og mest representative marine områda å bevare i Noreg.

Det føreslegne verneføremålet for Sognefjorden er å bevare verdas djupaste fjord, med sitt særmerkte geologiske og biologiske mangfald. Variasjonen i det undersjøiske landskapet gir grunnlag for eit unikt djupvasssamfunn, som i nokre fjordarmar finst på uvanleg grunt djup. Dette gjer området spesielt verdifullt.

Om rammane for konsekvensutgreiinga

Utgreiingsprogrammet ligg til grunn for verneprosessen, denne var på høyring frå desember 2023 til mai 2024, og vi fekk mange innspel til utgreiingstema. KU'en greier ut konsekvensane eit marint vern i det 999 km² store arealet kan medføre for dei ulike temaa vi har fokusert på. Arealet er noko utvida samanlikna med forslaget frå Rådgivende utvalg. Utvidinga skuldast vår vurdering om at det også finst store naturverdiar ved terskelen, samt i to område som har eigenskapar som innsjø og sjø, Øystrebøvatnet og Lifjorden.

Utgreiinga har vurdert fire ulike vernegrenser og konsekvensane av desse alternativa. 

  • Alternativ 1 dekkjer området innanfor terskelen i Sognefjorden og inkluderer ikkje Øystrebøvatnet eller Lifjorden. Dette var forslaget frå Rådgivande utval i 2003.
  • Alternativ 2 er området frå alternativ 1 + terskelområdet og ein del sjøareal vest for terskelen (+ ca. 10 km²). I tillegg er Øystrebøvatnet (ca. 2,2 km²) og Lifjorden (ca. 7,9 km²) inkludert.
  • Alternativ 3 er som alternativ 2, men utan Øystrebøvatnet.
  • Alternativ 4 er som alternativ 2, men utan Lifjorden.

Du finn lenkje til konsekvensutgreiinga i dokumentmenyen til høgre i artikkelen. Her finn du også dei første seks av totalt ni faktaark vi har fått utarbeidd for å få eit litt lettare overblikk. Dei siste tre faktaarka som tekker tema friluftsliv, kulturminne og naturmiljø blir levert oss i august. 

Kvifor konsekvensutgreiing? 

Konsekvensutgreiinga (KU) er ein viktig del av arbeidet med å greie ut mogleg marint vern. Målet er å kartleggje korleis eit vern kan påverke både miljø og samfunn. Sidan kandidatområdet er over 250 km², utløyste det krav om KU for å sikre eit godt og breitt kunnskapsgrunnlag.

Utgreiinga er laga i tråd med utgreiingsprogrammet for Sognefjorden, fastsett av Miljødirektoratet i november 2023. Den metodiske tilnærminga byggjer på Miljødirektoratet si handbok M-1941 og metodeverk frå Statens vegvesen si handbok V712 Konsekvensanalysar. Her finn du lenkje til utgreiingsprogrammet

ein mann i ein kajakk langs fjord med bygd og fjell i bakgrunnen
Friluftsliv, tettstader og reiseliv er berre tre av dei mange tema der konsekvensane er greidd ut i den omfattande rapporten du no kan lese. Konsekvensutgreiinga er utarbeidd av Akvaplan-niva på oppdrag frå Statsforvaltaren i samband med verneprosessen for Sognefjorden. Foto: Statsforvaltaren i Vestland/ Maria Knagenhjelm.

Vurderingar i utgreiinga

Rapporten deler området inn i 27 delområde, i hovudsak basert på dei 31 vassførekomstane i kandidatområdet. Nokre vassførekomstar i sidefjordane er slått saman, medan hovudførekomsten Sognefjorden er delt i indre og ytre del, med grense sett ved nasjonal laksefjordgrense.

Utgreiinga dekkjer desse hovudtemaa:

  1. Naturmiljø
  2. Kulturminne og kulturmiljø
  3. Rekreasjon og friluftsliv
  4. Landskapsbilete og verdsarv
  5. Naturressursar (fiskeri, mineral, vasskraft)
  6. Akvakultur
  7. Energilinjer og kablar
  8. Marin trafikk og cruise
  9. Massar i sjø
  10. Andre samfunnsinteresser, som reiseliv, forsvarsinteresser, landbruk, industri og tettstadar, anleggstiltak og nye veganlegg, forskning og undervisning

Dei fleste utgreiingstemaa er verdsette ut frå gjeldande kunnskapsgrunnlag. Deretter er påverknad og konsekvensar av eit mogleg marint vern vurdert. Til slutt er det gjort ei samla vurdering av marint vern, samanlikna med eit nullalternativ.

Konklusjon: positiv samla konsekvens av marint vern

Akvaplan-niva har vurdert den samla konsekvensen av marint vern som positiv. Alternativ 2 får høgast rangering i flest tilfelle. Likevel tilrår dei å halde Øystrebøvatnet utanfor verneområdet (alternativ 3), fordi det ikkje er dokumentert store verneverdiar der, og fordi området blir rekna som meir poll enn fjord.

Rapporten tilrår òg at vernegrensene blir trekte i god avstand frå småbåthamner, tettstader og industriområde, av omsyn til lokalsamfunn og samfunnsinteresser.

blå himmel og grøn fjord, med eit industrisamfunn inst i ein fjord
Konsekvensutgreiinga tilrår å trekke vernegrensa for eit marint vern av Sognefjorden vekk i frå tettstadar og industriområde fordi det ofte ligg tunge samfunnsmessige interesser der. Det er også sjeldan det ligg store marine verneverdiar tett innpå slike industriområde. Foto: Gunnar O. Hæreid.

Utgreiinga sine tilrådingar er oppsummert her i tabellform, direkte sitert (på bokmål) frå rapporten, sjå elles side 330-331.

Anbefalinger ut over foreslåtte avgrensinger, restriksjoner og dispensjonsregler i verneforslaget:

Tema

Anbefaling

T1

Naturmiljø

Slik foreslått i utredningsprogram, men utredningen anbefaler:

·         Inkludering av ålegraseng i Ortnevik, selv om den kan være grunnere enn 2 meter.

·         Overlappende marint vern i eksisterende landskapsvernområder, med samme grense som ellers.

·         Grense for marint vern kant i kant med eksisterende naturvernområder.

·         Krav om bunnkartlegging dersom det søkes om tiltak i områder der forvaltningsrelevante arter og/eller naturtyper har sannsynlig forekomst.

·         Krav om maringeologisk kartlegging ved tiltak i områder med sannsynlig forekomst.

·         Innhenting av ny kunnskap om lokale sildebestander.

T2

Kulturminner og kulturmiljø

Slik foreslått i utredningsprogram med dispensasjonsregler for vedlikehold og skjøtsel.

T3

Rekreasjon og friluftsliv

Slik foreslått i utredningsprogram med dispensasjonsregler for til tilretteleggingstiltak for friluftsliv, men utredningen anbefaler:

·         Legg vernegrensen utenfor småbåthavner.

·         Dispensasjonsregler for flytebrygger og fortøyninger.

·         Dispensasjonsregel for plukking av skjell (eksempelvis ved dykking) til privat bruk.

T4

Landskapsbilde og verdensarv

Slik foreslått i utredningsprogram.

T5.1

Fiskeri

Slik foreslått i utredningsprogram, men utredningen anbefaler:

·         Forbud mot skjellskraping.

·         Dispensasjonsregler for levendelagring av makrellstørje.

T5.2

Mineralutvinning

Slik foreslått i utredningsprogram.

T5.3

Vannkraft

Reguleres ikke direkte av verneforskriften, men nye vannkraft anlegg kan påvirkes av MVO gjennom naturmangfoldloven §49.

Utredningen anbefaler:

·         Man skal være varsom med utbygging av vannkraft i verneområder i MVO som er klassifisert i vernekategori Fjord (Skjoldal m.fl., 2003).

T6

Akvakultur

Som foreslått i utredningsprogram, inkludert dispensasjonsregler, men utredningen anbefaler: 

·         Ny drift, driftsendringer (inkludert ny teknologi) eller endret drift av eksisterende oppdrett, vil måtte bli vurdert etter vernereglene i hvert enkelt tilfelle.

·         Utredningen anbefaler at vernegrensen bør flyttes i god avstand fra eksisterende anlegg i sjø og ved landanlegg der det pumpes opp dypvann og hvor flåter er forankret.

T7

Energi, linjer og kabler

Som foreslått i utredningsprogram, men utredningen anbefaler:

Utredningen anbefaler:

·         Det vil derfor måtte søkes om unntak fra verneforskriften om fremtidig flytende solcelleanlegg og varmeutveksling.

·         Alternativt må verneforskriften innarbeide spesifikke dispensasjonsregler (§ 6) for flytende solcelleanlegg, varmevekslingsanlegg eller andre fremtidsrettede energikilder. Dette kan gjøres i henhold til naturmangfoldloven §48

T8

Marin trafikk og cruise

Slik foreslått i utredningsprogram (regler og dispensasjonsregler), men utredningen anbefaler:

·         Trekke vernegrensen utenfor tettsteder og viktige havneområder.

·         Forbud mot opplagsområder i MVO.

·         Dispensasjon for oppføring av nye navigasjonsinstallasjoner som er nødvendig for trygg ferdsel til sjøs bør formuleres i verneforskriften.

T9

Masser i sjø

Som foreslått i utredningsprogram, inkludert dispensasjonsregler, men utredningen anbefaler: 

·         Etablere egne dispensasjonsregler for dumping av masser i sjø etter ras og snøskred.

T10.1

Reiseliv

Ingen konkrete anbefalinger, småbåthavner dekkes i T3

T10.2

Forsvarsinteresser

Utredningen anbefaler:

·         Dispensasjonsregler for undervannsdetonasjon av gamle eksplosiver. Når gamle eksplosiver utgjør sikkerhets- og forurensningsrisiko. I noen tilfeller vil der være for høy risiko å flytte eksplosiver og kontroller detonasjon på stedet kan bli nødvendig, med avbøtende tiltak i form av dispensasjon for undervannsdetonasjon.

T10.3

Landbruk

Slik foreslått i utredningsprogram.

T10.4

Industri og tettsteder

Utredningen anbefaler:

·         Trekk vernegrensen utenfor områder hvor det industri med utslippstillatelse og tettsteder. Samfunnsmessige interesser veier tungt og kan medføre svært mange dispensasjonssøknader

T10.5

Anleggstiltak, nye veianlegg

Utredningen anbefaler:

·         vurder dispensasjonsregler for anleggstiltak under vann etter naturmangfoldloven §48 dersom sikkerhetshensyn eller hensynet til vesentlige samfunnsinteresser gjør det nødvendig.

T10.6

Forskning og undervisning

Utredningen anbefaler at regelmessig overvåking, f.eks. ØKOKYST, tiltaksrettet overvåking og miljøundersøkelser for akvakultur, tillates under generelle unntak fra vernebestemmelser.

Kva skjer vidare? 

Med denne utgreiinga som grunnlag skal Statsforvaltaren utarbeide forslag til både vernegrenser og vernereglar. Dette skal samlast i eit høyringsdokument. Før dokumentet blir sendt ut, skal Miljødirektoratet gjere ei fagleg vurdering. Miljødirektoratet vil mellom anna involvere både juridisk og samfunnsøkonomisk kompetanse i si vurdering av høyringsforslaget. 

Vi tek sikte på å sende forslaget ut på høyring i løpet av hausten 2025. Høyringsperioden blir truleg på 4–6 månader. Vi ønskjer brei involvering, og vil særleg invitere kommunar, næringsliv, organisasjonar og andre interesserte til å kome med innspel. Vi planlegg også å møte kommunestyra på ny for å ha direkte dialog med lokalpolitikarane.

eit undervassbilete av ein eremittkreps som titter
Verneprosessen legg opp til dialog og medverknad, og i høyringsperioden hausten 2025 vil vi ønskje innspel velkomen om både vernereglar og vernegrensa for Sognefjorden som marint verneområde. Foto: Torgeir Kårbø.

Fann du det du leitte etter?

Ta gjerne kontakt med oss via sikker melding dersom du ønskjer at vi skal svare deg.