Vis omsyn til sårbart fugleliv langs Jærstrendene
Jærstrendene landskapsvernområde har store naturverdiar der fleire område har tilleggsvern som fugle- og plantefredingsområde. Føremålet med vernet er mellom anna å ta vare på dei mektige sanddynene, det rike fuglelivet og dei mange vanlege og uvanlege plantane. Jærstrendene er og eit mye brukt friluftsområde, med eit stort tal besøkande kvart år. For å ta vare på naturen langs kyststripa vår er det naudsynt med tiltak til dømes i hekketida for fugl.
29.04.2024
