Klimaomstilling

Solceller på taket i Hjelmeland.
Solceller på taket i Hjelmeland. Foto: Dagfinn Hatløy.

Utsleppet av klimagassar i Noreg må ned for at vi skal nå dei internasjonale og nasjonale måla som er definerte i Parisavtalen og klimalova. Vi kan avgrense klimaendringane ved å redusere klimagassutslepp og å auke opptak og binding av karbon. Samtidig må vi erkjenne at klimaet alt er i ferd med å endre seg, og at vi må tilpasse oss eit endra klima.

Utsleppsreduksjonar

Statsforvaltaren skal arbeide for å redusere utslepp av klimagassar på ei rekkje område. Vi er bindeleddet mellom nasjonal klimapolitikk og kommunar og andre aktørar i fylket. Statsforvaltaren har dessutan ein viktig funksjon i å følgje opp planarbeidet i kommunane, både som rettleiar i kommunal planlegging og ved å fremje motsegn dersom planar er i strid med nasjonale retningslinjer. På landbruksområdet informerer og rettleiar vi om tiltak og verkemiddel som kan redusere klimagassutsleppa og auke opptak og binding av karbon. Vi jobbar for å formidle kunnskap og informasjon om klima til kommunane innanfor alle ansvarsområda våre. Dette gjer vi gjennom dialog med kommunane og gjennom samlingar, kurs og konferansar.

Klimatilpassing

I Noreg betyr klimaendringane i hovudsak høgare gjennomsnittstemperatur, auka nedbørintensitet, auka avrenning, færre dagar med snø, auka havnivå og konsekvensar for naturmiljøet. Endringane gir auka risiko for flaum, stormflo, skred (både jordskred og snøskred) og skader som følgje av overvatn. Klimaendringane har også meir sakteverkande effektar på natur og samfunn, som endringar i artar og økosystem og endra vilkår for naturbaserte næringar som fiskeri, landbruk og reiseliv. Klimaendringane har ulike konsekvensar i ulike område av landet, og nødvendige tiltak kan variere frå stad til stad. 

Statsforvaltaren skal bidra til at samfunnet klarer å avgrense den negative effekten av klimaendringane. Rolla vår er å ta avgjerder og vere rettleiar innan fleire av fagområda våre. Arealplanlegging har ei nøkkelrolle i klimatilpassingsarbeidet, og Statsforvaltaren rettleiar og kan komme med motsegn. Statsforvaltaren har dessutan ei sentral rolle innanfor regional samfunnstryggleik og beredskap, som omfattar tilsyn, rettleiing og risikoførebyggande arbeid, og handtering av akutte situasjonar. Landbruk, avløp, naturforvaltning og vassforvalting er andre fagområde der Statsforvaltaren kan vere med og bidra til at samfunnet er førebudd på å tole konsekvensane av et endra klima.

Vis meir

Berekraftige satsingar

Klimaomstilling er eitt av tre satsingsområde for Statsforvaltaren i Rogaland. Dei to andre områda er Kommunestruktur og Barn og unge. Gjennom samordna innsats skal me løfte satsingsområda og bidra til ei berekraftig framtid.

Klimaendringane er ein stor omfattande utfordring for samfunnet. I satsinga er hovudmålet vårt å bidra til å styrke kommunane sitt klimaarbeid. I samsvar med visjonen vår – me tek vare på Rogaland – skal me arbeide med klimatilpassing og reduksjon av klimagassutslepp i fylket. I 2021 er arbeidet med å reduserer klimagassutslepp prioritert.

Me skal arbeide for å

  • styrke klimakompetansen i kommunane og i deira arbeid med reduksjon av klimagasser og klimatilpasning.

  • synleggjere samanhengen mellom klimakrisen og naturkrisen.
  • synleggjere plan- og bygningsloven som verktøy for å nå FNs bærekraftsmål.

  • vere pådrivar for tverrsektorielt samarbeid og samordning mellom kommunar og regionalt nivå i arbeid relatert til klimaomstilling.

Publisert 21.02.2020

Rekordstor interesse for klimakutt i Rogaland

Rekordmange kommunar har søkt om klimasatsmiddel i 2020. Ulike prosjekt i kommunane i Rogaland søker om 9% av potten. Til saman søker kommunane i landet om over 723 millionar kroner til generelle klimatiltak og klimavennlege hurtigbåtar.


Publisert 22.01.2020

Nettkurs om klima i kommunane

Fylkesmannen oppfordrar alle kommunane i Rogaland til å delta på nettkurs om klimaomstillig og -tilpassing, arrangert av Miljødirektoratet utover våren 2020. 


Publisert 22.11.2019

258 millionar til kommunale klimakutt i 2020

Miljødirektoratet støtter klimatiltak i regi av kommunar og fylkeskommunar. For 2020 er det 258 millionar kr i potten. Pengane kan gå til prosjekt som til dømes reduserer klimagassutslepp ifrå veg/anlegg, VA, system for klimavennlege innkjøpsordninger, og ifrå arealendringer. Søknadsfristen er 15. februar 2020.


Publisert 12.03.2019

Miljødirektoratet sitt verktøy for klimagasstatistikk er ferdig

Miljødirektoratet har i fleire år leia eit arbeidd med å utvikla og gjera verktøyet for berekning av klimagassutslepp betre. Dette gjeld både statistikk og verknaden av tiltak. Det ferdige resultatet vil bli presentert på eit webinar 14 mars. Det vil også bli oppfølgings-webinar om bruken av verktøyet.


Publisert 03.10.2018

Statleg planretningslinje for klima, energiplanlegging og klimatilpassing endeleg vedtatt!

Regjeringa har vedtatt nye statlege planretningslinjer for klima og energiplanlegging og klimatilpassing. Dette er ei utviding av eksisterande planretningslinjer for klima og energi, til også å gjelde klimatilpasning. Føremålet med revideringa av retningslinjene er at kommunane, fylkeskommune og stat gjennom eiga planlegging skal bidra til å avgrense eller unngå ulemper og skadar grunna klimaendringar, og dra nytte av eventuelle fordelar.


Publisert 01.10.2018

Klimasamling for kommunane

Miljødirektoratet arrangerer klimasamling i Haugesund 5. og 6. desember 2018. Føremålet er å hjelpe kommunane i arbeidet med å redusere klimagassutslepp. Påmeldingsfristen er 10. oktober.


Publisert 28.06.2018

Seksten Klimasats-millionar til Rogaland

Det er satt av 150 millionar kroner som støtte til klimatiltak i kommunane. Rogaland fekk over 10 % av budsjettposten. Over halve tilskotet til Rogaland er knytt til tiltak og planlegging som gjeld auka bruk av sykkel og elsykkel.


Publisert 09.04.2018

Nyutvikla klimastatistikk syner at Rogaland har stabile, men høge klimautslepp

Miljødirektoratet har nyleg presentert det nye verktøyet som produserer klimastatistikk på fylkes- og kommunenivå. Verktøyet er nettbasert og har blitt utvikla i lag med Statistisk sentralbyrå, SSB, og kommunesektorens organisasjon, KS.


Publisert 26.01.2018 av Administrator

Berekning av effekten ved klimatiltak

Kommunane skal lage eigne klima- og energiplanar. Miljødirektoratet har utvikla eit verktøy som kan hjelpe kommunane og andre å berekne effekten av planlagde klimatiltak. Ein fyrste versjon er tilgjengeleg på miljokommune.no.


Publisert 12.01.2018

Klimanettverka i Rogaland

Det lokale arbeidet med reduksjon av klimagasser tar seg stadig opp. Vi har no to interkommunale nettverk for klimakutt i fylket, eitt i nord og eitt i sør. Begge har søkt, -og fått, støtte frå Klimasats/Miljødirektoratet.