Innleiande dialog om mogeleg utviding av Jotunheimen

Stølsmaradalen ligg i dag i Utladalen landskapsvernområde og er eitt av områda som kan bli vurdert innlemma i nasjonalparken. Ein prosess er på gang og med lokal aksept vil vi kunne sende ut ei formell oppstartsmelding der alle kan komme med innspel. Foto: Maria Knagenhjelm.

Her kan du finne referat og presentasjonar frå den innleiande informasjonsfasen i arbeidet med å greie ut ei mogeleg utviding av Jotunheimen.

Dette innhaldet er meir enn eitt år gammalt. Informasjonen kan derfor vere utdatert.

Publisert 30.11.2022, Sist endra 19.05.2025

Vi hadde eit førebuande møte med politisk leiing i Luster kommune i september, og informerte kommunestyret om oppdraget den 20. oktober. Vi hadde møte med kommuneleiinga i Årdal månaden etter, den 10. november. Det har vore nytting for oss å få tidleg innspel og synspunkt på oppdraget.

Etter å ha møtt kommunane vil vi invitere til dialog med grunneigarorganisasjonar, næringsliv og andre interesseorganisasjonar. Innspela og synspunkta som kjem fram i desse møta vil vere viktige å ta med i ein eventuell vidare verneprosess.

Referat og presentasjonar ligg til høgre. Følg lenkja i høgrefana for å få meir informasjon og for å få oversikt over prosessen framover.