Statsforvaltaren fekk nytt og kjønnsnøytralt namn 1. januar 2021. Det gamle namnet vårt var Fylkesmannen.

Barnehage og opplæring

Barn og unge har rett til ei god utviklings- og opplæringstid frå barnehagealder til fullført vidaregåande opplæring.

  • Retten til barnehageplass gjeld for barn som fyller eitt år seinast innan utgangen av november det året det blir søkt om barnehageplass. Barnet kan få plass i kommunal eller ikkje-kommunal barnehage.
  • Barn og unge har plikt og rett til ei tiårig grunnskuleopplæring frå dei fyller seks år, og rett til å få denne finansiert av det offentlege. Det er kommunane som har ansvaret for grunnskuleopplæringa.
  • Ungdom mellom 16 og 19 år har rett til offentleg finansiert vidaregåande opplæring. Det er fylkeskommunane som har ansvaret for opplæring på vidaregåande skule.

Statsforvaltaren gjennomfører tilsyn og behandlar klagar

Statsforvaltaren skal informere og rettleie innbyggjarar og eigarar av barnehagar og skular etter opplæringslova, privatskulelova og barnehagelova med tilhøyrande forskrifter. Statsforvaltaren er også klageinstans for enkeltvedtak på desse områda og fører tilsyn etter opplæringslova og barnehagelova.

Tilskot til skular og barnehagar

Det er i hovudsak skule- eller barnehageeigaren og kommunane som har rett til offentlege tilskot. Statsforvaltaren har oppgåver knytte til kontroll, klage og oppfølging av slike tilskot.

Vis meir


25.01.2021

Tilsyn med Årdal kommune som barnehagemyndigheit

Temaet for tilsynet var barnehagemyndigheita si rettleiing og tilsyn. Vi fann brot på deltema risikovurdering og tilsyn.


25.01.2021

Endringar i midlertidig forskrift om opplæring

Kunnskapsdepartementet har no fastsett endringar om tilpassingar i reglane om barnehagar, grunnskular og vidaregåande opplæring som følge av utbrot av covid-19.


19.01.2021

Barnehagar og skular må vere budde på endringar i smittevernnivå

I tråd med smittevernrettleiarane for barnehage og skule må barnehage- og skuleeigarar vere best mogleg førebudd på endringar mellom raudt og gult nivå.


18.01.2021

Opplæring til barn og unge som søkjer opphald i Noreg

Tilskotet skal bidra med finansiering og stimulere kommunane og fylkeskommunen til å gje grunn- og vidaregåande opplæring til barn og unge som søkjer opphald i Noreg.


18.01.2021

Midlar til symjeopplæring i barnehage 2021

Kommunar, barnehagar og frivillige organisasjonar som ønskjer å drive symjeopplæring i barnehagen, kan no søkje om tilskot for 2021. Kommunen som barnehagemyndigheit sendar søknadar frå barnehagar samla til Statsforvaltaren.


15.01.2021

Kompetanseløftet for spesialpedagogikk og inkluderande praksis

Regional konferanse - Kompetanseløftet for spesialpedagogikk og inkluderande praksis


16.11.2020

Vedtak om tilbakebetaling av kommunalt tilskot vert oppheva

Fylkesmannen i Vestland har oppheva Austevoll kommune sitt vedtak om at Eventus Sol-li barnehage AS må betale tilbake kr. 1 417 544 til kommunen.


13.11.2020

Verktøy i innsatsen mot vald og overgrep mot barn

Kommunane har ei viktig oppgåve når det gjeld å avdekke, avverje og førebyggje vald og overgrep. Det er utvikla ulike verktøy ein kan nytta i innsatsen mot vald og overgrep mot barn.


11.11.2020

Nasjonale prøver for 2020

Resultata frå nasjonale prøver i 2020 er klare. På 5. og 8. trinn gjer Vestland det likt med landssnittet i engelsk og rekning, medan vi scorar noko lågare enn snittet i lesing. På 9. trinn gjer elevane i fylket det betre enn snittet i både lesing og rekning.


22.10.2020

Samisk opplæring - nettseminar

Fylkesmennene i Trøndelag, Nordland og Troms og Finnmark inviterer til nasjonalt nettseminar om samiskopplæring fredag 6. november kl. 0900-1100.


Fleire nyhende Få nyheitsvarsel