Barnevern

Oppdatert 10.10.2022

Barnevernets hovudoppgåve er å sikre at barn og unge som lever under forhold som kan skade helsa og utviklinga deira, får nødvendig hjelp og omsorg til rett tid. Barnevernet skal dessutan medverke til trygge oppvekstkår for alle barn og unge. Dersom du er misnøgd med barnevernet, kan du klage til Statsforvaltaren.

Kommunens oppgåver

Alle kommunar skal ha ei barnevernsteneste som utfører det daglege arbeidet etter barnevernslova. Barnevernstenesta skal setje i verk hjelpetiltak for barnet og familien. Hjelpa kan givast i form av råd og rettleiing, eventuelt i kombinasjon med andre hjelpetiltak. Vanlege hjelpetiltak er for eksempel barnehageplass, støttekontakt, råd og rettleiing og avlastningstiltak i heimen.

Barnevernstenesta har også ansvar for å gripe inn dersom tiltaka i heimen ikkje er tilstrekkelege for å sikre barnets behov. Barnevernstenesta kan då for ein periode i samråd med foreldra formidle plass i fosterheim eller på institusjon, eller på eit senter for foreldre og barn. Dersom eit barn skal plasserast utanfor heimen utan samtykke frå foreldra, må det gjerast vedtak om dette i Fylkesnemnda for barnevern og sosiale saker etter forslag frå kommunen.

Barn og unge har rett til å klage på barnevernet

Barn og ungdom som har kontakt med barnevernet, har rett til å klage. Du kan seie meininga di om det barnevernet gjer, slik at det kan bli betre. Det gjeld uansett om du bor heime, i fosterheim eller på barnevernsinstitusjon. Du kan klage på alt du meiner ikkje er rett. Statsforvaltaren skal passe på at barnevernet gjer jobben sin, og ei av dei viktigaste oppgåvene våre er å følgje med på at barnevernet følger lovar og reglar. Derfor kan du klage til oss!

Sei frå her

På denne sida kan du lese meir og sjå døme på kva andre barnevernsbarn har klaga på. 

Dersom det hastar veldig, du ringe Alarmtelefonen for barn og unge, tlf. 116 111.

Vi gir også råd og hjelper alle som tek kontakt med oss: barn, ungdom, besteforeldre, mamma, pappa, fosterforeldre, barnevernstenesta og barnevernsinstitusjonar. Viss du er vaksen og ønskjer å klage på barnevernet, ber vi deg bruke det digitale meldingsskjemaet Melding til Statsforvaltaren.

Fylkesnemnda for barnevern og sosiale saker

Fylkesnemnda for barnevern og sosiale saker har mynde til å ta avgjerder blant anna i saker om omsorgsovertaking og i saker som gjeld tvangsinngrep overfor ungdom med alvorlege åtferdsvanskar. Avgjerder som er tekne av fylkesnemnda, kan bringast inn for domstolane.

Statsforvaltarens oppgåver

Statsforvaltaren fører tilsyn med barnevernsverksemda i kommunen. Dette inneber blant anna at Statsforvaltaren behandlar klager på saksbehandlinga i barnevernstenesta og tek stilling til om barnevernstenesta har utført arbeidet sitt etter barnevernslova og forvaltningslova.

Statsforvaltaren er klageinstans for enkeltvedtak som barnevernstenesta gjer etter barnevernslova. Dette vil i dei fleste tilfella vere saker der barn eller foreldre klagar over at dei ikkje får det hjelpetiltaket dei ønskjer.

Statsforvaltaren fører også tilsyn med at barn på barnevernsinstitusjonar får forsvarleg omsorg og god behandling. Vidare skal tilsynet sjå til at barna blir behandla omsynsfullt og med respekt for integriteten til den enkelte. Dette inneber blant anna at barn som blir utsette for tvang på ein barnevernsinstitusjon, kan klage til Statsforvaltaren.

Vis meir

Dine rettar på institusjon og i omsorgssenter

Fann du det du leitte etter?

Ta gjerne kontakt med oss via sikker melding dersom du ønskjer at vi skal svare deg.

Publisert 17.12.2020

Dokumentasjon i barnevernssaker med fleire barn i ein familie

Barneverntenestene bør i utgangspunktet opprette separate dokument for kvart barn og innhente opplysningar om kvart barn i separate brev i saker som gjeld fleire barn i ein familie.


Publisert 15.12.2020

Mange kommunar manglar handlingsplan mot vald i nære relasjonar

Vald i nære relasjonar skjer i eit betydeleg omfang og er eit alvorleg samfunns- og folkehelseproblem. Førebygging er viktig.


Publisert 13.11.2020

Verktøy i innsatsen mot vald og overgrep mot barn

Kommunane har ei viktig oppgåve når det gjeld å avdekke, avverje og førebyggje vald og overgrep. Det er utvikla ulike verktøy ein kan nytta i innsatsen mot vald og overgrep mot barn.


Publisert 03.11.2020

Over 81 millionar kroner til stillingar i barnevernet

I 2020 har Fylkesmannen i Vestland betalt ut 81 647 190 kroner i tilskot til det kommunale barnevernet. Dette finansierer i alt 108,5 stillingar.


Publisert 28.10.2020, Sist endra 23.02.2021

Når barn på barnevernsinstitusjon kjem i kontakt med politi

Kontakt med politi kan bli opplevd som skremmande og inngripande, særleg om det vert nytta tvang. Barn vi snakkar med fortel også dette. Statsforvaltaren ønskjer informasjon om slike hendingar i eige skjema.


Publisert 23.09.2020

Kommunane må halde ope tenestene til barn og unge så langt som råd

Barn og unge er særleg utsette under koronapandemien. Dersom smitteverntiltak rammar barn og unge sine tenestetilbod, skal kommunane gjere risikovurderingar og eventuelt setje i verk kompenserande tiltak.


Publisert 17.09.2020

Kommunane i Vestland meiner barnevernreforma må bli tydlegare

Kommunane ønskjer snarleg avklaring om oppgåvefordeling, økonomi og finansiering. Det er nokre av innspela etter kartlegginga som Barne-, ungdoms-, og familiedirektoratet og Fylkesmannen har gjort i samband med barnevernreforma som trer i kraft i 2022.


Publisert 17.07.2020

Meld frå til barnevernet

Både barn og vaksne kan melde bekymring for eit barn. For offentleg tilsette er meldeplikta lovregulert. Det er barnevernstenesta sitt ansvar å finne ut om barnet eller familien treng hjelp frå barnevernet.


Publisert 14.07.2020

Ny rapport om tenestene til sårbare barn og unge

Rapporten viser at langt fleire tenester enn tidlegare er tilbake i normal drift. Samtidig er det færre enn vanleg som oppsøkjer tenestene.


Publisert 23.06.2020

Viktige endringar i barnevernlova

Stortinget har nyleg vedteke endringar i barnevernlova. Formålet med lovendringane er å styrke barnevernet og rettane til barna.