Barn og foreldre

Oppdatert 10.05.2022

Alle barn har rett på ein trygg og god barndom og oppvekst. Familien er den viktigaste kjelda til læring, omsorg, tryggheit og tillit. Samstundes har vi fleire lover som sikrar at det offentlege også kan bidra til beste for barna. I det daglege er det kommunen som skal sørge for barnets beste, men også fleire statlege styresmakter har oppgåver knytt til forholdet mellom barn og foreldre.

Fann du det du leitte etter?

Ta gjerne kontakt med oss via sikker melding dersom du ønskjer at vi skal svare deg.

07.12.2022, Endra 07.12.2022

Bli kjend med den nye barnevernslova

Den nye barnevernslova gjeld frå 1. januar 2023. Statsforvaltarane har laga opplæringsvideoar, slik at du som jobbar i barnevernet kan bli betre kjent med den nye lova.


10.11.2022

Råd om korleis vaksne kan snakke med barn om krig og frykt for atomulykker

Helsedirektoratet og Nasjonalt kunnskapssenter om vold og traumatisk stress (NKVTS) har utarbeidd råda, som gjerne kan delast på kommunane sine heimesider og i andre kanalar.


10.10.2022, Endra 10.10.2022

Regionale kunnskapsmiljø har gått saman om ny nettstad

Kunnskapssentera, som arbeider med barn og unges psykiske helse og barnevern, styrker samarbeidet og samlar fagleg støtte til dei som møter barn, unge og familiar i sitt arbeid på kunnskapombarn.no.


07.10.2022

Nytt skjema for klage på helsehjelp

Statsforvaltaren har utarbeidd eit nytt skjema som du kan nytte om du er misfornøgd med helsehjelpa du har fått, viss du meiner at du ikkje får nødvendig helsehjelp, eller om du har andre pasientrettar som ikkje er oppfylte.


05.10.2022

Nasjonal oppstartskonferanse for FACT ung

Helsedirektoratet, NAPHA og andre involverte kompetansesenter inviterer til nasjonal oppstartskonferanse for FACT ung 1. november. Du kan delta fysisk, eller følgje konferansen digitalt.


04.10.2022

Fagdag med tema samvær etter barnevernlova

Bjørnafjorden og Sunnhordland interkommunale barnevernteneste inviterer, i  samarbeid med Statsforvaltaren, til fagdag 21. oktober på Stord.


29.09.2022

Tilsyn avdekte alvorlege manglar i oppfølging frå barnevernet

Statsforvaltaren har avdekt alvorlege manglar knytt til mottak og oppfølging av bekymringsmelding i barneverntenesta i Bergen kommune. Det viser tilsynssaka etter at eit barn blei funne skadd i ei leilegheit i Bergen.


27.09.2022

Samarbeid om tenester til barn, unge og familiane deira

For å styrke oppfølginga av utsette barn, unge og familien deira, har Stortinget vedtatt nye reglar om samarbeid, samordning, barnekoordinator og individuell plan. Det er utarbeidd ein rettleiar til desse reglane.


22.09.2022

Tilsynssak avdekte at barn ikkje fekk forsvarleg oppfølging

Statsforvaltaren har avdekt svikt i samhandling internt i helse- og barnevernstenestene i Bergen, og med den offentlege tannhelsetenesta, etter at to sysken ikkje fekk den oppfølginga dei hadde rett til. Behovet for hjelp vart først avdekt når situasjonen vart akutt.


19.09.2022

Tilskot til systematisk identifikasjon og oppfølging av utsette barn

Målet med tilskotsordninga er å utvikle og implementere kommunale modellar for systematisk og kunnskapsbasert identifikasjon og oppfølging av utsette barn. Søknadsfristen er 1. oktober 2022. 


Fleire nyhende Få nyheitsvarsel