Barnevern

Oppdatert 19.12.2022

Barnevernets hovudoppgåve er å sikre at barn og unge som lever under forhold som kan skade helsa og utviklinga deira, får nødvendig hjelp og omsorg til rett tid. Barnevernet skal dessutan medverke til trygge oppvekstkår for alle barn og unge. Dersom du er misnøgd med barnevernet, kan du klage til Statsforvaltaren.

Kommunens oppgåver

Alle kommunar skal ha ei barnevernsteneste som utfører det daglege arbeidet etter barnevernslova. Barnevernstenesta skal setje i verk hjelpetiltak for barnet og familien. Hjelpa kan givast i form av råd og rettleiing, eventuelt i kombinasjon med andre hjelpetiltak. Vanlege hjelpetiltak er for eksempel barnehageplass, støttekontakt, råd og rettleiing og avlastningstiltak i heimen.

Barnevernstenesta har også ansvar for å gripe inn dersom tiltaka i heimen ikkje er tilstrekkelege for å sikre barnets behov. Barnevernstenesta kan då for ein periode i samråd med foreldra formidle plass i fosterheim eller på institusjon, eller på eit senter for foreldre og barn. Dersom eit barn skal plasserast utanfor heimen utan samtykke frå foreldra, må det gjerast vedtak om dette i barneverns- og helsenemnda.

Barn og unge har rett til å klage på barnevernet

Barn og ungdom som har kontakt med barnevernet, har rett til å klage. Du kan seie meininga di om det barnevernet gjer, slik at det kan bli betre. Det gjeld uansett om du bor heime, i fosterheim eller på barnevernsinstitusjon. Du kan klage på alt du meiner ikkje er rett. Statsforvaltaren skal passe på at barnevernet gjer jobben sin, og ei av dei viktigaste oppgåvene våre er å følgje med på at barnevernet følger lovar og reglar. Derfor kan du klage til oss!

Sei frå her

På denne sida kan du lese meir og sjå døme på kva andre barnevernsbarn har klaga på. 

Dersom det hastar veldig, du ringe Alarmtelefonen for barn og unge, tlf. 116 111.

Vi gir også råd og hjelper alle som tek kontakt med oss: barn, ungdom, besteforeldre, mamma, pappa, fosterforeldre, barnevernstenesta og barnevernsinstitusjonar. Viss du er vaksen og ønskjer å klage på barnevernet, ber vi deg bruke det digitale meldingsskjemaet Melding til Statsforvaltaren.

Barneverns- og helsenemnda

Barneverns- og helsenemnda har mynde til å ta avgjerder blant anna i saker om omsorgsovertaking og i saker som gjeld tvangsinngrep overfor ungdom med alvorlege åtferdsvanskar. Avgjerder som er tekne av barneverns- og helsenemnda, kan bringast inn for domstolane. Denne nemnda heitte tidlegare fylkesnemnda, men endra namn til barneverns- og helsenemda med den nye barnevernslova. 

Statsforvaltarens oppgåver

Statsforvaltaren fører tilsyn med barnevernsverksemda i kommunen. Dette inneber blant anna at Statsforvaltaren behandlar klager på saksbehandlinga i barnevernstenesta og tek stilling til om barnevernstenesta har utført arbeidet sitt etter barnevernslova og forvaltningslova.

Statsforvaltaren er klageinstans for enkeltvedtak som barnevernstenesta gjer etter barnevernslova. Dette vil i dei fleste tilfella vere saker der barn eller foreldre klagar over at dei ikkje får det hjelpetiltaket dei ønskjer.

Statsforvaltaren fører også tilsyn med at barn på barnevernsinstitusjonar får forsvarleg omsorg og god behandling. Vidare skal tilsynet sjå til at barna blir behandla omsynsfullt og med respekt for integriteten til den enkelte. Dette inneber blant anna at barn som blir utsette for tvang på ein barnevernsinstitusjon, kan klage til Statsforvaltaren.

Vis meir

Dine rettar på institusjon og i omsorgssenter

Fann du det du leitte etter?

Ta gjerne kontakt med oss via sikker melding dersom du ønskjer at vi skal svare deg.

Publisert 03.02.2023

Meir heilskapleg helsehjelp til barn og unge i barnevernet

Eit nytt nasjonalt forløp beskriver korleis barnevernstenesta og helse- og omsorgstenestene kan samarbeide for å gi barn og unge eit godt og heilskapleg tenestetilbod. 16. februar blir det lanseringswebinar.


Publisert 13.01.2023

Nav overtar saker om fordeling av reisekostnader ved samvær

Frå 1. januar 2023 er ansvaret for saker om fordeling av reisekostnader ved samvær overført frå Statsforvaltaren til Nav. 


Publisert 11.01.2023

Ny rettleiar om rettleiing av tilsette i barnevernet

Rettleiaren skal bidra til at barnevernstenester og barnevernsinstitusjonar kan etablere forsvarlege, hensiktsmessige og varige ordningar for rettleiing av tilsette. 


Publisert 21.12.2022

Statsforvaltaren har avslutta tilsyn

I vår blei eit barn på 13 år funne omkomme. Statsforvaltaren har etter dette ført tilsyn med barnevernstenesta, barnevernsinstitusjonen der barnet budde og spesialisthelsetenesta.


Publisert 07.12.2022, Sist endra 07.12.2022

Bli kjend med den nye barnevernslova

Den nye barnevernslova gjeld frå 1. januar 2023. Statsforvaltarane har laga opplæringsvideoar, slik at du som jobbar i barnevernet kan bli betre kjent med den nye lova.


Publisert 29.09.2022

Tilsyn avdekte alvorlege manglar i oppfølging frå barnevernet

Statsforvaltaren har avdekt alvorlege manglar knytt til mottak og oppfølging av bekymringsmelding i barneverntenesta i Bergen kommune. Det viser tilsynssaka etter at eit barn blei funne skadd i ei leilegheit i Bergen.


Publisert 28.09.2022

Samarbeid om tenester til barn, unge og familiane deira

For å styrke oppfølginga av utsette barn, unge og familien deira, har Stortinget vedtatt nye reglar om samarbeid, samordning, barnekoordinator og individuell plan. Det er utarbeidd ein rettleiar til desse reglane.


Publisert 22.09.2022

Tilsynssak avdekte at barn ikkje fekk forsvarleg oppfølging

Statsforvaltaren har avdekt svikt i samhandling internt i helse- og barnevernstenestene i Bergen, og med den offentlege tannhelsetenesta, etter at to sysken ikkje fekk den oppfølginga dei hadde rett til. Behovet for hjelp vart først avdekt når situasjonen vart akutt.


Publisert 08.09.2022, Sist endra 09.09.2022

Statsforvaltaren ber Nav evaluere saka der ein gut var funnen i dårleg forfatning

Statsforvaltaren i Vestland har opna tilsyn med barnevernstenesta i Bergen i saka der eit 7 år gamalt barn vart funne i dårleg forfatning. Det sentrale i tilsynssaka er om barnevernstenesta har følgt opp forsvarleg. Vi ber no også Nav om å gjere ei eigenevaluering.


Publisert 14.07.2022

Familie for første gang - får ny nettside og nytt namn

Programmet "Familie for første gang" har endra namn til "Sammen på vei", og er relevant for kommunane sitt arbeid med barnevernreforma. Programmet har nyleg lansert ei nettside.