Nye planmedarbeidarar på landbruksavdelinga

Karen er tilsett i eit 6 månaders engasjement. Karen er frå Randaberg, og ho blei nyleg ferdig med master i By- og regionplanlegging frå NMBU på Ås.

Jorunn er tilsett i fast stilling. Ho kjem frå Karmøy og er nyutdanna arealplanleggar. Ho har ein bachelor i landskapsplanlegging med landskapsarkitektur frå Høgskulen på Vestlandet (HVL) i Sogndal, og ein master i fysisk planlegging frå NTNU i Trondheim. Parallelt med masterutdanninga har ho arbeidd innan plan, LARK og naturforvaltning hjå Norconsult.

Begge to går inn i den tverrfaglege plangruppa på embetet og skal arbeide med saker etter plan- og bygningslova, mellom anna gjennom saksbehandling av dispensasjonar, reguleringsplanar og kommuneplanar.

Ei oversikt over kommunefordelinga mellom plansaksbehandlarane på embetet, deriblant kommunane som Jorunn vil ha særleg ansvar for, finn du her. Karen vil få tildelt saker frå fleire kommunar.

Me er glade for å få desse to på plass på avdelinga og embetet!