Klimasnu
Eit av dei tverrfaglege satsingsområda til Statsforvaltaren i Møre og Romsdal er klimaomstilling. Satsinga har fått namnet Klimasnu.
Klimaendringane er ei av dei største utfordringane vi står ovanfor, og Statsforvaltaren skal medverke til gjennomføring av den nasjonale klima- og miljøpolitikken.
I tråd med visjonen vår - ei trygg framtid for folk og natur, skal vi arbeide for å redusere klimagassutslepp i fylket. Vi skal også bidra til at samfunnet blir godt budd på, og blir tilpassa eit klima i endring.
Satsinga Klimasnu skal
- vere ein regional pådrivar for klimagassreduksjon og klimatilpassing
- styrke klimakompetansen, både internt i embetet, ute i kommunane og ved andre sentrale aktørar
- utvikle fylket i ei klimavennleg retning for å nå lågutsleppssamfunnet
- sørge for at Møre og Romsdal er klar til å takle klimaendringane som kjem
Satsinga er forankra i Statsforvaltaren i Møre og Romsdal sin strategiplan for perioden 2020-2023.
La «Black Week» bli «Green Week»!
I mange år har vi uavgrensa tatt frå naturen. Vi har brukt og kasta. No ser vi resultatet av overforbruket. Artar døyr ut, og økosystema blir utfordra. Det må snu!
Publisert 12.06.2023
Kven bør få Klimasnuprisen 2023?
Skjema for å nominere til Klimasnuprisen 2023 er no opna!
Publisert 19.05.2023
Meld deg på Klimasnukonferansen 2023!
Klimasnukonferansen 2023 arrangerast i Ålesund 14. til 15. november. Programmet er under utarbeiding, men du kan melde deg på allereie no.
Publisert 25.04.2023
Digital verkstad for klimabudsjett
13. april arrangerte fylkeskommunen og statsforvaltaren digitalt verkstad for kommunane i klimabudsjett. Her kan du sjå den digitale delen i opptak. Vi har også lagt ut gruppeoppgåvene og hjelpemiddel for vidare arbeid ute i kommunane.
Publisert 13.02.2023
Klimasats 2023
Publisert 22.11.2022
Frå Black Week til klimasnu!
«Vi er i vårt livs kamp. Og vi taper. Klimagassutsleppa fortsett å auke. Globale temperaturar fortsett å stige. Planeten vår nærmar seg raskt vippepunktet som vil gjere klimakaoset irreversibelt. Vi er på motorvegen til klimahelvete med foten på gasspedalen.»
Publisert 07.10.2022
Meir bruk av tre i offentlege bygg - søk om midlar til kommunen sine prosjekt!
Ønsker din kommune å bruke meir tre i byggeprosjekt? Kanskje de også har ambisjonar om sirkulære løysingar? Då kan de søke om støtte og få inntil 40 000 kroner som de kan nytte til utgreiing, forprosjekt eller studieturar.
Publisert 19.05.2022
Kurs i klimagassar frå landbruket - unikt tilbod til kommunane i Møre og Romsdal
Statsforvaltaren har i samarbeid med Norges miljø- og biovitenskaplige universitet (NMBU) arrangert kurs med tema klimagassar frå landbruket
Publisert 13.05.2022
Godt oppmøte på kurs i klimabudsjett
Over 50 deltakarar frå kommunar i heile fylket var samla for å lære meir om klimabudsjett som styringsverktøy. Vi fekk mange nyttige tips undervegs. No kan du sjå heile kurset i opptak her!
Publisert 08.02.2022
Ny podkastepisode er ute: «Klimasnu – ei nødvendig omstilling»
I Møre og Romsdal står vi midt i eit Klimasnu. Lytt til denne podkasten, for å høyre kva vi meiner med det, og om kva for grep kommunane tar, og kan ta, for å få ned klimagassutslepp.
Kontaktpersoner
-
Anne Melbø
Tlf: 71 25 85 15 / 97 70 45 91
Klimaomstilling
Med klimaomstilling meiner vi både endringar i samfunnet som gjer det mogleg å redusere klimagassutslepp og endringar som bidrar til at samfunnet er godt budd på og tilpassa eit klima i endring.
KLIMAGASSREDUKSJON
For å bremse den globale temperaturstiginga i tråd med Parisavtalen må store kutt i utsleppa på plass innan 2030. Det er behov for ei stor omstilling av samfunnet i Noreg, òg i Møre og Romsdal. Får å få til dette, må det settast inn tiltak og verkemiddel for å redusere utsleppa, men òg for å auke opptak av klimagassar.
KLIMASTILPASSING
Klimatilpassing inneber å tilpasse seg eit klima i endring. Både for å hindre eller redusere skade, men òg for å utnytte moglegheitene som endringane kan føre med seg. Å ta omsyn til eit klima i endring er naudsynt for å gjere samfunnet meir motstandsdyktig – i dag og i framtida.
Kva er berekraftig matproduksjon?
Nettsida bærekraftigmatproduksjon.no syner på ein pedagogisk måte den kompliserte samanhengen mellom matproduksjon, klima og bruk av areal.
Vi følgjer familien Hansen som stiller nokre spørsmål før dei kan bestemme seg for kva dei skal ha til middag. Mellom anna lurer dei på: "Skal vi velje vegetarburgar eller hamburgar?", "Har dyra hatt det bra?", "Er det så viktig at maten er produsert i Norge?" og "Kva kostar det eigentleg?".
Nettsida passar fint for å formidle korleis maten blir produsert. Bruk gjerne nettsida i skolen!
Sida er produsert i samarbeid mellom Statsforvaltaren i Vestfold og Telemark og fleire miljø- og landbruksorganisasjonar.