Dobbelt prisdryss til Torvholen Gard
Marit og Artur Salte ved Torvholen Gard stakk av med både praksisprisen og publikumsprisen under SESAM-dagen.
Kvart år delar SESAM ut tre prisar – til personar og miljø som på ulike måtar bidreg til å løfte eldreomsorg, forsking og demensfeltet vidare. SESAM er eit regionalt kompetansesenter for eldremedisin og samhandling.
Torvholen Gard blir lagt merke til
Linda Buettners praksispris 2026 gjekk i år til Torvholen Gard for deira Inn på tunet-tilbod, der det blei gitt følgjande grunngjeving for tildelinga:
«Gjennom personsentrert omsorg, natur, sanseopplevelser og meningsfulle aktiviteter skaper de trygge og gode hverdager for personer med demens. Juryen løftet særlig fram hvordan tilbudet kombinerer fysisk og kognitiv stimulering, sosial deltakelse og tverrfaglig samarbeid – med fokus på livskvalitet og “den gode dagen”.»
I tillegg stakk Torvholen Gard av med publikumsprisen. Det er tydeleg at tilbodet blir lagt merke til, og at det inspirerte deltakarane på SESAM-dagen. Vi ser gjerne at dette inspirerer andre til å etablere eit slikt tilbod, i ei tid med fleire som vil ha slikt behov. Ta gjerne kontakt med Torvholen Gard for meir informasjon.
Vi gratulerer Torvholen Gard med prisane!
