400 mjølkebønder i Rogaland må bygge om innan 2034
Trass mange båsfjøs igjen, kjem allereie 80 prosent av mjølka i Rogaland frå kyr i lausdriftsfjøs.
Dette innhaldet er meir enn eitt år gammalt. Informasjonen kan derfor vere utdatert.
To krav argumentert først og fremst ut frå dyrevelferd har vore spesielt drivande for omlegginga frå bås- til lausdriftsfjøs:
- I 2024 blei det innført krav om kalvingsbinge og mosjon på beite i 16 veker, pluss at kyr oppstalla i båsfjøs skal ha «mulighet til regelmessig mosjon og fri bevegelse resten av året».
- I 2034 kjem det krav om lausdrift i alle fjøs, inkludert økologisk produksjon.
God omleggingstakt
I 2024 og 2025 har regjeringa sett av ekstra investeringsmidlar for å stimulere til og redusere den økonomiske risikoen ved omlegginga, og rogalandsbøndene har tatt godt for seg av desse midlane. Totalt 40 mjølkefjøsprosjekt i Rogaland fekk investeringsmidlar frå Innovasjon Norge i 2024.
Tungt mjølkefylke
Rogaland er som kjent eit mjølkefylke der både TINE og Q-meieriene er tungt inne på foredlingssida. Til saman mottar dei om lag 270 millionar liter mjølk frå rogalandskyrne. Fordelinga av dei 1021 mjølkebruka er om lag 80/20 mellom TINE og Q.
Produksjonsviljen er stor både i Tysvær og Hå
I spørreundersøkinga "Framtidsutsikter i landbruket i Rogaland" frå 2022 blei mjølkebønder spurt om dei så for seg å produsere mjølk om 15 år, altså i 2037. Størst produksjonsvilje var det i Tysvær, deretter fulgte Lund, Hå og Suldal.
