H.K.H. Kronprinsessa besøker Stavanger 7. juni
PRESSEINFORMASJON: H.K.H. Kronprinsesse Mette-Marit skal delta under den store bursdagsfeiringa i Stavanger laurdag 7. juni.
Laurdag 7. juni blir 900-årsjubileet til Stavanger by, domkyrkja og bispedømmet markert med ei stor bursdagsfeiring. Det blir blant anna nedlegging av tidskapselen til 1000-årsjubileet på Arneageren, barnekor på domkyrkjetrappene, musikkfest og regatta i Vågen. Og H.K.H. Kronprinsessen blir med på feiringa.
900 x HURRA! blir feira med musikk og song i Vågen og rundt Stavanger domkyrkje. Engøyholmen kystkultursenter gjenskaper landsregattaen av 1868, lokale band og artistar spelar frå åtte scenar i sentrum. Det skal leggjast ned ein tidskapsel på Arneageren til år 2125 – og barnekor frå heile bispedømmet syng.
Tradisjonsrikt besøk
For femti år sida feira Stavanger 850-årsjubileum, og både kong Olav og daverande kronprins Harald besøkte Stavanger for å delta under arrangementa i pinsehelga 1975. På programmet den gongen stod mellom anna folkefest i Bjergsted og musikkfestival for ungdom.
Meir informasjon og kontaktpersonar
Du kan lesa meir om feiringa på Stavanger kommune sine nettsider.
Kontaktperson: Lena Antonius, prosjektleiar Stavanger 2025. Tlf. 51 50 74 08.
Akkreditering
Presse som ønsker å dekka besøket, søker akkreditering her.
Fristen er torsdag 5. juni kl. 12.00.