Utdjuping av farlei – innsegling Kragerø

Formål med tiltaket er å utbetre farleia ved å gjere den breiare, djupare og med færre kursendringar for gjere den meir framkomeleg og trafikksikker. Utdjuping vil i tillegg legge til rette for auka tonnasje innanfor industri- og næringsområde.      

Utdjupinga strekker seg over et areal på ca. 40 770 m² og inneber opptak av ca. 116 560 m³ sprengsteinmassar. Dette gjeld for følgande område:

• Lovisenbergsundet med 10 700 m² og 9,5 meter djup
• Galeioddbåane med 13 410 m² og 11,8 meter djup
• Knubbhausen med 16 300 m² og 14,6 meter djup
• Jomfrulandsrevet med 350 m² og 14,7 meter djup

Det er planlagt å transportere massane med lekter til Stilnestangen i Kragerø Havn for utnytting til auka landareal. Som eit alternativ er det søkt om løyve til dumping av massane ved områda der dei skal takast opp.

Grunnforhold, naturmangfald og forureining er undersøkt i alle utdjupingsområda og dumpeområda. Det er funne lite lausmassar i utdjupingsområda. Det var berre Lovisenbergsundet som viste lausmassar eigna å til prøvetaking, og det ble påvist forureining tilsvarande dårleg tilstand. I deponiområda Lovisenbergsundet og Galeioddbåane ble det påvist forureining i dårleg til svært dårleg tilstand. Sedimentet i deponiområdet ved Knubbehausen vart påvist til å tilsvara god tilstand.

Ved Lovisenbergsundet er naturvernområdet Matløs, og ved Galeiodden og Knubbhausen er det registrert raudlista fuglearter. Jomfrulandsrevet og Knubbhausen er lokalisert i Jomfruland nasjonalpark, og Kystverket søker Statsforvaltaren om dispensasjon frå verneforskrifta. Det er registrert fleire områder med viktige naturverdiar i ein viss nærleik til tiltaksområda, men også innanfor Jomfrulandsrevet og Knubbhausen. Biologiske konsekvensar og moglege avbøtande tiltak er det utgreia om i søknaden.

Eventuelle merknader til søknaden kan merkast 2021/7228 og sendast innan 23.12.2021 til:

Statsforvaltaren i Vestfold og Telemark, Postboks 2076, 3103 Tønsberg
eller på e-post til sfvtpost@statsforvalteren.no