Samfunnstryggleik og beredskap

Oppdatert 11.07.2022

Alle har eit ansvar for å førebyggje uønskte hendingar og kriser, og å handtere dei viss dei likevel skjer. Vi må ta førebyggjande omsyn i alt frå arealplanlegging i kommunane til HMS-tiltak på den enkelte arbeidsplassen. Som innbyggjar kan du utruste deg til å klare deg sjølv i nokre dagar.

Statsforvaltaren er eit bindeledd mellom sentrale og lokale styresmakter, og har ei sjølvstendig rolle som pådrivar og rettleiar for arbeidet med samfunnstryggleik og beredskap.

I ein krisesituasjon er politiet, den ansvarlege fagetaten eller kommunen den viktigaste informasjonskjelda til innbyggjarane. Statsforvaltaren kan i ein del tilfelle ta eit samordningsansvar for krisehandteringa på regionalt nivå, for å sikre gode og samordna løysingar mellom aktørane. Fylkesberedskapsrådet er eit viktig forum for å ivareta samordningsansvaret. I rådet deltek leiarar av offentlege beredskapsetatar, kommunar, næringsliv og frivillige organisasjonar. 

Råd om eigenberedskap til deg som er innbyggjar i Noreg

Du er ein del av Noregs beredskap. Dersom straumen blir vekke eller du blir isolert av veret, bør du vere rusta til å klare deg sjølv i nokre dagar. Styresmaktene ber oss difor vurdere risiko og sårbarheit i eigen heim. Du bør tenke gjennom kva som kan skje, kva konsekvensar det kan få, og korleis nettopp din familie kan handtere det. Finn gjerne også ut kven som kan trenge di hjelp og korleis du kan bidra. Dei grunnleggande behova dei tre første døgna av ei krise er varme, mat, drikke, legemiddel, hygiene og tilgang til informasjon. Mange av oss har alt ein god del av det vi treng for å klare oss sjølv i nokre dagar, så det er ofte ikkje så mykje som skal til for å komme helt i mål. Her får du gode idear til kva som bør vere på plass i ditt eige beredskapslager.

Vis meir

Fann du det du leitte etter?

Ta gjerne kontakt med oss via sikker melding dersom du ønskjer at vi skal svare deg.

25.09.2022, Endra 25.09.2022

Utbrot av svært alvorleg fjørfesjukdom på Jæren

Mattilsynet varslar utbrot av den svært alvorlege fjørfesjukdommen Newcastlesjuke (Newcastle disease) i ei verpehønsbesetning i Klepp kommune. Risiko for smitte til menneske er svært låg, og det er trygt å eta egg og fjørfekjøt. 


13.09.2022

Kommunetrappa 2022

Direktoratet for samfunnstryggleik og beredskap (DSB) sender kvart år ut ei kommuneundersøking for å kartlegga kommunane sitt arbeid med samfunnstryggleik og beredskap. Statsforvaltaren har vurdert denne eigenrapporteringa opp mot eigne tilsyn og rangert kommunane i «kommunetrappa».


09.08.2022

Skjønstilskot til vertskommunar i samband med den ukrainske flyktningkrisa

Stortinget har i forbindelse med behandlinga av Prop. 78 S (2021-2022) jf. Innst. 270 S (2021-2022) vedtatt å auke skjønsramma til vertskommunar som har vesentlege utgifter til ukrainske flyktningar i mottaksfasen. 


01.07.2022

Psykososial oppfølging i kommunane etter masseskytinga i Oslo 25. juni

Kommunane i Rogaland må vera særleg merksame på dei psykososiale behova til direkte berørte, og andre ramma, etter masseskytinga i Oslo 25. juni. 


21.06.2022

Ukrainske flyktningar kan registrere opplysningar om moglege krigsbrotsverk hjå politiet

Kripos ber kommunar og andre som er i direkte kontakt med ukrainske flyktningar om hjelp til å nå ut med informasjon om korleis dei kan melde inn opplysningar om krigsbrotsverk i Ukraina.


09.06.2022

Nettverkssamling for samfunnstryggleik og beredskap

No er programmet for årets nettverkssamling endeleg klart (Sjå vedlegg).

Vi er nøgde med programmet og forelesarane som kjem. Takk til dei av dykk som har komme med innspel på tema og spørsmål!


25.04.2022

Stor skogbrannfare i heile fylket -oransje nivå

Kombinasjonen av tørt vér, sol og vind gjer at det er stor gras- og lyngbrannfare i snøfrie område. Meteorologisk institutt har no sendt ut varsel om stor skogbrannfare, på oransje nivå, for heile Vestlandet. Varselet gjeld fram til det kjem nok nedbør til å motvirke brann i terreng.


30.03.2022

Jod-tabletter i skole og barnehage

Ved en atomulykke nær eller i Norge kan radioaktivt jod bli spredd med vinden. En atomulykke i forbindelse med krigen i Ukraina vil eventuelt skje så langt fra Norge at det med stor sannsynlighet ikke vil være behov for jod-tabletter. Likevel har Helsedirektoratet bedt kommunene ha en generell beredskap på plass for utdeling av jod-tabletter til de under 20 år i skoler og barnehager.


18.03.2022, Endra 20.03.2022

Ukraina-krigen: Mellombels innkvartering etablert i Sandnes og Haugesund

Det er nok eigna til å forvirra litt, men i Rogaland er det nå etablert mottak for dei som har registrert seg og søkt om beskyttelse – og i tillegg tilbod om mellombels innkvartering for dei som ikkje har kome så langt ennå. 


03.03.2022, Endra 11.03.2022

Krisa i Ukraina: Her finn du nyttig informasjon

Urolege tider fører til mange spørsmål. Her har me samla nokre av dei mest sentrale kjeldene til oppdatert informasjon om den spente situasjonen i Europa – og korleis dette kan påverka oss. 


Fleire nyhende Få nyheitsvarsel