Mosvatnet naturreservat i Stavanger kommune er verna

Vernevedtaket med lenker til Kongeleg resolusjon, verneforskrifter og vernekart for dei einskilde områda, samt eit oversiktskart over alle områda, er lagt ut på Klima- og miljødepartementets si heimeside. Lenker til Kongeleg resolusjon, vernekart og verneforskrifter, samt eit oversiktskart over Mosvatnet naturreservat i Stavanger kommune ligg også i høgre marg her.

Bevaring av verdfull natur

Bevaring av verdfull natur er ein del av dei nasjonale miljømåla – eit representativt utval av norsk natur skal takast vare på for kommande generasjonar. Ordninga vil supplera nasjonal verneportefølje med område av stor verdi med omsyn til biologisk mangfald.

Mosvatnet naturreservat inneheld truga og sårbar natur i form av næringsrik sump- og strandsumpskog, med helofyttsump som utgjer viktige økologiske funksjonsområder for ein rekke raudlista artar, derimellom fugleartar og flaggermus.

Det bynære skog og vassmiljøet bidrar med viktige økosystemtenestar til nærområda, og er ein viktig del av Stavanger by sin historie og utvikling.