Rapport om kartlegging av kaldvasskorallar Sandsfjorden
Det er registrert rødlista korallar på 4 av 10 undersøkte lokalitetar i Sandsfjorden. Norsk Stein AS på Berakvam har fått undersøkt havbotnen ved ulike lokalitetar.
Dette innhaldet er meir enn eitt år gammalt. Informasjonen kan derfor vere utdatert.
Undersøkinga blei gjennomført av Det Norske Veritas GL ved hjelp av undervassfarkost (ROV) og skulle særleg kartlegge korallar.
| I Midtsundet blei det funne små revformasjonar med Lophelia pertusa og Paragorgia arborea. På tre andre lokasjonar var der funn av enkeltindivid av L. pertusa, P.arborea og Swiftia pallida. Koralla vart registrert på bergveggen ved 70-95 meter og verka friske. |  |
Sedimenteringa bar preg av å vere noko høgare i områda like ved verksemda til Norsk Stein AS utan at dette vart kvantifisert. Rapporten syner at det ut frå helsetilstand, toleranse for nedslamming, avstand frå utsleppspunkt og utsleppshistorikk, er lite sannsynleg at korallane i Sandsfjorden i særleg grad er påverka av utslepp frå Norsk Stein AS.
Sjå fleire detaljar i rapportlenka til høgre.