Kven fortener å vinne Bedriftsutviklingsprisen i Rogaland?
Har du starta ei vellukka og berekraftig bedrift med basis i landbruket og bygdene sine ressursar? Går du heilt til topps og vinn den nasjonale Bedriftsutviklingsprisen 2019, kan du stikke av med ein samla pengepremie på 300 000 kroner.
Dette innhaldet er meir enn eitt år gammalt. Informasjonen kan derfor vere utdatert.
Publisert 05.07.2019
Innovasjon Norge deler kvart år ut Bedriftsutviklingsprisen i landbruket. Det vert kåra ein vinnar i kvart fylke som får 50 000 kroner. Fylkesvinnarane deltek så i konkurransen om den nasjonale prisen som er på 250 000 kroner.
No har du sjansen
Vi søkjer bedrifter eller personar med næringsverksemd som har basis i landbruket og bygdene sine ressursar.
Kandidatane vert vurdert etter følgjande kriterium:
- Berekraft:
- Økonomisk resultat/lønsemd
- Sosialt som sysselsetting og ringverknader i lokalsamfunnet
- Miljømessig som bruk av lokale ressursar, framheving av lokal kultur og reduserte utslepp
- Innovasjon/nyskaping
Meir informasjon og påmelding finn du hos Innovasjon Norge. Frist for påmelding er 20. august 2019.