Snart tomt for Utgreiings- og tilretteleggingsmidlar (UTM)
Vi har fått inn mange gode søknadar og er snart tomme for midlar. Potten er på kr 4 800 000,- og midlane er mellom anna gitt til tiltak som skal utvikle tidleggrønsaker, kvalitetskålrot, bier og honning, fleire lausdriftsfjøs og meir aktivt skogbruk.
Dette innhaldet er meir enn eitt år gammalt. Informasjonen kan derfor vere utdatert.
Midlane, som er ein del av jordbruksavtalen, blir forvalta av Fylkesmannen si landbruksavdeling og kan gis til organisasjonar, institusjonar, kommunar og andre samarbeidsorgan innanfor landbruket. Midlane skal bidra til auka matproduksjon, utvikling og modernisering av det tradisjonelle landbruket, samt utvikling av landbruksbaserte næringar. Støtte til utvikling av økologisk landbruk kan inngå som ein del av tilretteleggingstiltaka. Rogaland fekk ein reduksjon på om lag kr 500 000.- i UTM i år. Dette, i kombinasjon med mange søknadar, er grunnen til at det er lite midlar igjen. Det er ingen søknadsfrist for UTM. Ta gjerne kontakt før du sender søknad.
Innovasjon Noreg kan gi Bygdeutviklingsmidlar til bedriftstretta investeringar i tradisjonelt landbruk og landbruksbaserte næringar. Midlane kan gis som tilskot og lån.