Rogaland sine kandidatar til Den nasjonale kulturlandskapsprisen 2025

Norsk Kulturarv, i samarbeid med Landbruks- og matdepartementet og Landbruksdirektoratet, utfordra alle fylka til å nominere verdige kandidatar til Den Nasjonale Kulturlandskapsprisen.

Elektroingeniøren Kjell og meieriingeniøren Reidunn hadde gode jobbar da dei i 1989 kjøpte den veglause garden i Trodla-Tysdal i Ryfylke. Garden utan straum og innlagt vatn stod tom i ni år før dette kjøpet. Verdiane på alle bygningar var da sett til null. Gardsvegen var 12 kilometer med farkost over Tysdalsvatnet. 

Gamle bygningar er restaurert til opphavleg utsjånad og er godt ivaretekne. Beiting med sau og ekstensiv drift har gitt eit ope og variert kulturlandskap med god variasjon i biologisk mangfald. Garden i Trodla-Tysdal er den mest avsidesliggjande garden i drift i Rogaland, og det vitnar om ekteparet sitt tolmod og ekstra innsats i 36 år.

Reidunn sin pendlarjobb utanom garden og tilrettelegging for turistar blei viktig inntektskjelder som kunne brukast til investering i garden. Kjell frakta turistar med båt over Tysdalsvatnet. Dei fleste tok beina fatt på turstien som er om lag 7,5 kilometer over fjellet til Trodla-Tysdal. Ei turisthytte med anneks utforma og plassert med omhug i kulturlandskapet, gir besøkjande rom for overnatting på garden. Ekteparet kan tilby besøkjande god og kortreist mat i det intakte hovudhuset på garden. Dei var og er ivrige på å informere besøkjande om gardsdrifta og gardshistoria ispedd med myter og sagn frå området. Med opp mot 4 000 besøkande årleg har ekteparet gjort Trodla-Tysdal godt kjent for friluftsinteresserte i inn- og utland.

Kjell og Reidunn sin innsats har gitt eit variert ope kulturlandskap som i stor grad likevel fremstår som om tida har stått på staden kvil. Statsforvaltaren i Rogaland meiner ekteparet er verdige kandidatar til å ta imot den Nasjonale Kulturlandskapsprisen 2025.

Den nasjonale juryen som står for kåringa av årets pris er:

• Landbruks- og matminister Nils Kristen Sandtrøen - Juryleiar
• Bjørn Gimming, leiar i Norges Bondelag
• Tor Jacob Solberg, leiar i Norsk bonde- og småbrukarlag
• Eli Reistad, administrerande direktør i Landbruksdirektoratet
• Hanna Geiran, riksantikvar
• Jørn Holme, styreleiar i Stiftelsen Norsk Kulturarv