Utbrot av svært alvorleg fjørfesjukdom på Jæren
Mattilsynet varslar utbrot av den svært alvorlege fjørfesjukdommen Newcastlesjuke (Newcastle disease) i ei verpehønsbesetning i Klepp kommune. Risiko for smitte til menneske er svært låg, og det er trygt å eta egg og fjørfekjøt.
Dette innhaldet er meir enn eitt år gammalt. Informasjonen kan derfor vere utdatert.
Besetninga der sjukdommen er oppdaga er på 7 500 høns. Denne er nå bandlagt. Det er ikkje kjent kor smitten kjem frå.
Tiltak for å hindra vidare smittespreiing
Det er Mattilsynet som koordinerer arbeidet med å avgrensa konsekvensane. Statsforvaltaren i Rogaland bidrar på vårt ansvarsområde, som råd om avfallshandtering og erstatningsordningar.
Det er innført vernesone og observasjonssone rundt besetninga der smitten er påvist. I desse sonene er all transport av fuglar, rugeegg, konsumegg, fjørfekjøt og andre produkt som kan bidra til å spreia smitte forbode.
Det blir også innført portforbod i sonene. Alle typar tamme fuglar må dermed haldast innandørs, eller i ei innhegning med tett tak og nettingveggar, viss dei er ute.
Meir informasjon
- Mattilsynet om utbrotet: Påvisning av Newcastle disease i fjørfebesetning i Rogaland
- Veterinærinstituttet: Newcastlesjuke (ND)
Mediekontakt
- Mattilsynets pressevakt: Mob. 469 12 10. E-post: pressevakt@mattilsynet.no
Kontaktpersonar
-
Reidar Johnsen
Tlf: 51 56 88 39 / 41 52 34 31 -
Anfinn Rosnes
Tlf: 51 56 89 80 / 48 14 72 13 -
Janne Breivik
Tlf: 51 56 87 85