Skyhøg ambisjon hos Norsk Angus AS – Klimanøytralt kjøt innan 2030
Stemninga var god då Norsk Angus AS inviterte til kickoff ved Måltidets Hus 3. april. Agenda for dagen var å presentera prosjektet "Mer enn kjøtt" for næringa. Målsettinga for prosjektet er å produsera storfekjøt i verdsklasse med fokus på kvalitet, berekraft og verdiskaping i alle ledd av produksjonen.
Norsk Angus fekk i desember 2024 innvilga støtte frå Norges Gruppens berekraftsfond, HANDLE, til det treårige prosjektet "Mer enn kjøtt". Prosjektet skal utvikla ein berekraftig storfekjøtproduksjon som gir verdi til bonden, marknaden og naturen, med dokumentert auka kvalitet i produktet og sporbarheit i heile verdikjeda. Samarbeidspartnarar er representantar frå heile verdikjeda- frå jord til bord. Forutan Angusgården som er ein forsøksgård i Eigersund, deltek fire storfebønder som har Angus med i prosjektet.
Klimanøytralt kjøt
Prosjektet har ein ambisjon om å produsera klimanøytral kjøt innan 2030. Då må dokumentasjonen vera på plass. Ein nøkkelfaktor er å dokumentera bruk av utmarksbeite. Yngve Rekdal er seniorrådgivar hos NIBIO, og er ein frontfigur for bruk av beiteressursane i utmarka. Han kunne fortelje at utmarka er ein stor fôrressurs, og kjøtfe kan henta frå 20 til 40 % av årsfôret avhengig av beitekvalitet. Bruk av utmarksbeite er meir enn fôr, det gir kjøt av eksklusiv kvalitet! Fôret frå utmarka er sunt, økologisk og kortreist. Beiting bidreg til å vedlikehalde kulturlandskapet, biologisk mangfald og er knytt til god dyrevelferd. Ifølgje spesialrådgjevar Arne Bardalen i NIBIO, «er et bærekraftig matsystem i Norge det å velje produksjoner som best mulig utnytter lokale ressurser innenfor våre landegrenser, og som fører til færrest mulig negative og flest mulig positive effekter for miljø, økonomi og sosiale forhold». Når norske husdyr kan henta fôr frå 45 % av Noregs landareal, er bruk av utmarksbeite ein nøkkelfaktor i rekneskapen til å oppnå klimanøytral kjøtproduksjon.
Kva ynskjer marknaden?
Det er viktig å ta omsyn til forbrukarane når stake ut vegen for norsk landbruk. Det er vilje å betala for kvalitet, men då er det viktig med jamn og stabil kvalitet av produkta. Å levera jamn kvalitet på dyret til slakteriet skal óg lønna seg for bonden. Per i dag har Prima Jæren Angusavtale som gir tillegg for kjøttet til bonden. Intensjonen med avtalen er å få betre spisekvalitet og betre utnytting av dyret ved slakt. Betre utnytting av slaktet gjer at ein ta ut meir biffstykker, og det vil auke verdiskapinga til bonde og marknaden.
