20. mai 2017 blir det ny statsborgarseremoni
Laurdag 20. mai 2017 inviterer Fylkesmannen i Rogaland til ny statsborgarseremoni i Kuppelhallen i Stavanger. I år har blir fylkesordførar Solveig Ege Tengesdal hovudtalar.
Dette innhaldet er meir enn eitt år gammalt. Informasjonen kan derfor vere utdatert.
Dei som deltar på statsborgarseremoniane har alltid noko å gleda seg til. Målet med seremonien er å ønskja velkommen og markera at nye medlemmer blir tekne opp i det norske fellesskapet. Det er frivillig å delta.
Ein festdag
Det blir ein høgtideleg seremoni med velkomst- og helsingstalar, musikalske innslag og sosialt samvær. Fylkesmann Magnhild Meltveit Kleppa er sjølvsagt til stades.
Frå heile fylket
I 2016 takka 191 nye statsborgarar frå 53 ulike nasjonar ja til statsborgarseremoni-invitasjonen. Dei var busette i 19 kommunar i Rogaland. Kor mange det blir i år, er foreløpig uvisst.
Dei som kan delta får invitasjon i posten.