Fri rettshjelp

Oppdatert 15.10.2025

Fri rettshjelp er støtte til nødvendig juridisk bistand til personar som ikkje har økonomi til å dekkje den fulle kostnaden av slike utgifter sjølve. Ordninga gjeld berre saker av spesielt stor personleg og velferdsmessig betydning.

Kan du få dekt behovet for rettshjelp på andre måtar?
Økonomiske vilkår
Eigenandel
Informasjon om kva saker som kan gi rett til fri rettshjelp
Slik går du fram for å søkje om fri rettshjelp
Informasjon til deg som er advokat 

Kan du få dekt behovet for rettshjelp på andre måtar?

Viss du kan få dekt behovet ditt for juridisk bistand på andre måtar eller gjennom andre ordningar, vil du som hovudregel ikkje få fri rettshjelp. Dette gjeld til dømes viss du har ei forsikring som dekkjer utgifter til juridisk bistand, eller viss du er medlem i ein organisasjon som dekkjer slike utgifter. Det same gjeld dersom det offentlege kan gi deg opplysningar og rettleiing om saka som du søkjer fri rettshjelp til. I slike tilfelle må du nytte deg av desse alternative ordningane.

Inntekts- og formuesgrenser

Frå og med 15. oktober 2025 er det store endringar i rettshjelpsordninga. Endringane skjer i samband med at ny lov om rettshjelp trer i kraft, og gjeld for advokatoppdrag som startar etter denne datoen.

I staden for separate krav til inntekt og formue tek den nye modellen utgangspunkt i den samla betalingsevna di. Dersom du har utgifter til barn, tek modellen også omsyn til det.  Endringa fører til at langt fleire vil kunne få offentleg støtte til rettshjelp.

Du kan bruke rettshjelpskalkulatoren vår for å finne ut om du oppfyller vilkåra for fri rettshjelp. Her kan du også sjå ei førebels utrekning av kva eigenandelen blir. 

Eigenandel

Dersom du får fri rettshjelp, må du betale ein eigenandel av utgiftene. Eigenandelen blir fastsett med utgangspunkt i betalingsevna di. Eigenandelen du skal betale er mellom 1 og 99 prosent av kostnaden til rettshjelpa alt etter kor god økonomi du har. Eigenandelen blir brukt å betale for arbeidet til advokaten og eventuelle utgifter som advokaten har hatt. 

Dersom du får fri rettshjelp i ei sak utan økonomisk behovsprøving, skal du likevel ikkje betale eigenandel. Du skal heller ikkje betale eigenandel dersom betalingsevna di er lågare enn grunnbeløpet i folketrygda (nav.no). Det er Statens innkrevingssentral som krev inn eigenandelen. 

Døme på saker som kan gi rett til fri rettshjelp

Du kan få fri rettshjelp anten som fritt rettsråd (juridisk bistand utanom domstolsbehandling) eller som fri sakførsel (juridisk bistand i saker for domstolane, frå og med stemning). Dersom du får fri rettshjelp, kan du i nokre tilfelle òg få dekt eigne utgifter, som til dømes utgifter til tolk eller ei medisinsk utgreiing.

Sivilrettsforvaltninga har meir informasjon om kva sakstypar som kan gje rett til fri rettshjelp:

I kva saker kan du få fri rettshjelp i form av fritt rettsråd (sivilrett.no)

I kva saker kan du få fri rettshjelp i form av fri sakførsel (sivilrett.no)

Slik går du fram for å søkje om fri rettshjelp

Du kan søkje Statsforvaltaren om rettshjelp. Det er statsforvaltaren i fylket der du bur eller oppheld deg over noko tid som behandlar søknaden. I mange prioriterte sakstypar kan advokaten eller rettshjelparen sende inn eigen-innvilga rettsråd dersom dei økonomiske vilkåra er oppfylte. Då treng du ikkje sjølv sende søknad til Statsforvaltaren. 

I det digitale søknadsskjemaet blir du rettleia gjennom alle relevante spørsmål. Du kan bli beden om å laste opp nødvendig dokumentasjon. I saker med økonomiske vilkår hentar løysinga automatisk inn opplysningar om økonomien din så sant det finst tilgjengelege skattedata. Løysinga tek også omsyn til økonomien til ein eventuell ektefelle eller sambuar, men desse opplysningane vil ikkje vere synlege for deg. Dersom du kjenner til at det er endringar i økonomien din eller ektefellens/sambuars økonomi, må du korrigere og dokumentere endringane. 

Før du sender inn søknaden vil du få eit førebels svar på om dei økonomiske vilkåra tilseier at du får fri rettshjelp. Du får også ei mellombels utrekning av eigenandelsprosenten, altså kor stor prosent av utgiftene du sjølv må rekne med å betale.

Søk om fri rettshjelp

Dersom du bur i utlandet og har ei sak i Noreg, er det Statsforvaltaren i fylket som anten du eller saka har nærast tilknyting til, som behandlar søknaden. Dersom verken du eller saka har tilknyting til eit bestemt fylke, blir søknaden behandla av Statsforvaltaren i Østfold, Buskerud, Oslo og Akershus. Søknad om fri rettshjelp til ei sak i utlandet blir behandla av Statsforvaltaren i Østfold, Buskerud, Oslo og Akershus. 

Informasjon til deg som er advokat 

Dersom advokatoppdraget starta før 15. oktober 2025, skal du framleis bruke rettsrad.no. For saker som starta før denne datoen, gjeld dei økonomiske vilkåra og ordninga for eigenandel slik reglane var fram til 15. oktober. 

Du finn meir informasjon i Rundskriv om fri rettshjelp (sivilrett.no)

Om rettshjelpskalkulatoren

Kalkulatoren gjer ei førebels berekning av betalingsevne og eigenandel. Kalkulatoren finn du når du har logga inn i rettshjelpsportalen. Her kan du søkje på personnummer og få opp dei økonomiske opplysningane automatisk, så sant søkjaren har skattedata. Du må korrigere eventuelle endringar i økonomien for å få riktig resultat.

Kalkulatoren kan òg brukast utan innlogging, men då må du sjølv fylle inn dei økonomiske opplysningane. Bruk kalkulatoren utan innlogging

Vis meir


Publisert 04.01.2024

Ny salærsats for advokater i rettshjelpsaker

Den offentlige salærsatsen fra 1. januar 2024 tilsvarer 1 215 kroner for advokater og 972 kroner for tolker. Den nye salærsatsen gjelder for arbeid som er avsluttet etter 1. januar 2024.


Publisert 06.01.2023

Nye inntekts- og formuesgrenser for fri rettshjelp samt ny salærsats for advokater

Fra 01.01.2023 har inntekts- og formuesgrensene økt. De nye grensene er nå bruttoinntekt på kr 350 000,- for enslige og kr 540 000,- for ektefeller og andre som lever sammen med felles økonomi. Formuesgrensen for fri rettshjelp er kr 150 000,- netto.


Publisert 01.07.2022

Nyheter om rettshjelp

Obligatorisk elektronisk innsendelse av salæroppgaver og søknader mv.


Publisert 10.01.2022

Ny salærsats for advokater mv. i straffesaker og i rettshjelpssaker og nye stykkprissatser for medisinsk sakkyndige

Den offentlige salærsatsen i saker om fri rettshjelp avsluttet i 2022 er kr 1 121 ekskl. mva. for advokater, og kr. 896 ekskl. mva. for tolker som er næringsdrivende


Publisert 06.01.2021

Ny salærsats for advokater mv. i straffesaker og i rettshjelpssaker og nye stykkprissatser for medisinsk sakkyndige

Den offentlige salærsatsen i saker om fri rettshjelp avsluttet i 2021 er kr 1085 ekskl. mva for advokater, og kr. 868 ekskl. mva for tolker som er næringsdrivende


Publisert 15.05.2020

Forslag til ny rettshjelpslov med tittelen «Likhet for loven»

Rettshjelpsutvalget har i NOU 2020: 5 Likhet for loven: Lov om støtte til rettshjelp, den 30.04.2020 fremlagt forslag til ny lov.

Forsalget er i sin helhet rettet mot personer som ikke selv har økonomi til å kjøpe advokattjenester.


Publisert 09.01.2020

Endra salærsats frå 01.01.2020

Den offentlege salærsatsen i saker om fri rettshjelp avslutta i 2020 er kr 1 060,- ekskl. mva for advokatar, og kr. 848,- ekskl. mva for tolkar som er næringsdrivande, for mer informasjon: regjeringen.no


Publisert 05.12.2019

Nytt rundskriv om fri rettshjelp i EØS/NAV-saka

Sjå lenke til artikkel på regjeringen.no, og lenke til nytt rundskriv om fri rettshjelp. Fri rettshjelp utan behovsprøving  bli ikkje gitt før etter at NAV har fatta nytt vedtak. Dette fordi NAV tek opp desse sakene og fattar nytt vedtak på eige initiativ:


Publisert 10.01.2019

Endra salærsats frå 01.01.2019

Den offentlege salærsatsen i saker om fri rettshjelp avslutta i 2019 er kr 1 040,- ekskl. mva for advokatar og kr. 832,- ekskl. mva for tolkar som er næringsdrivande.

 


Publisert 03.07.2017

Endringar i rettshjelpslova

Det er vedteke endringar i lov 13.juni 1980 nr.35 om fri rettshjelp frå 1.juli 2017.