Statsforvaltaren har gitt uttale til arealdelen til kommuneplan for Vindafjord
Statsforvaltaren har gitt uttale til arealdelen til kommuneplan for Vindafjord. Kommunen har gjort eit omfattande arbeid med ny kommuneplanen, der ikkje realiserte byggeområde er tatt ut og mange nye område er lagt inn. Statsforvaltaren har fremma fleire motsegn og fagelege råd til planforlaget av omsyn til nasjonale og vesentlege regionale interesser knytt til samfunnstryggleik, jordvern, naturverdiar og areal og transportplanlegging.
Vindafjord kommune har utarbeida forslag til ny arealdel til kommuneplan for perioden 2025-2037. Planforslaget har no vore på høyring og Statsforvaltaren har gitt uttale i brev av 13.05.2025.
Eit av hovudmåla i kommuneplanen er å legge til rette for vekst i Vindafjord-bygdene med nye bustad-, nærings- og naustareal. Kommunen har også tatt ut fleire byggeområde som ikkje er blitt realiserte, såkalla planvask.
Statsforvaltaren vurderer at kommunen har gjort eit omfattande arbeid, og gjort fleire gode grep av omsyn til jordvern, naturvern. Planen legg likevel opp til store arealreseve spreidd ut i heile kommunen som kjem i stird med nasjonale og vesentlege regionale interesser innan samfunnstryggleik, jordvern, naturverdiar og areal og transportplanlegging.
Statsforvaltaren har derfor fremma motsegn og faglege råd til fleire av arealendringane, i tillegg til føresegnene til planen og manglande planvask. Heile uttalen ligg vedlagt.
Statsforvaltaren ser fram til dialog med kommunen for å finne løysingar for motsegnene.
