Vil du jobbe med miljø og klima i landbruket – bli med på laget!

Me har lyst ut fast stilling innan miljø- og klimaspørsmål i landbruket, og er du nysgjerrig så sjå gjerne på stillingsannonsa. Me søker etter relevant kompetanse om landbruk og miljøforvalting, samstundes er det viktig kven du er som person. Me har også god erfaring med å tilsette nyutdanna.

Regionalt miljøprogram viktig verktøy

Rogaland er eit særs aktivt landbruksfylke, med stor konkurranse om areala. Dette gir stor merksemd knyta til bruk og vern av areal, og Regionalt miljøprogram er her eit særs viktig verktøy. Det ligg til denne stillinga å følgje opp vårt ansvar for denne ordninga.

Me har i oppgåve å finne gode løysingar i balansen mellom nasjonal politikk og lokale interesser i god dialog med landbruksnæringa. Me har eit regelverk å forvalte, men like viktig er det å formidle kvifor me må ta omsyn til klima og naturmangfaldet og samstundes sikre bonden sitt grunnlag for matproduksjon. Hos oss får du arbeide med varierte og interessante oppgåver i dialog med næringa og kommunar. Me er om lag 25 tilsette i avdelinga, som alle ønskjer å gjere kvarandre gode.

Ta kontakt

Du må gjerne kontakte landbruksdirektør Monica Dahlmo eller ass. landbruksdirektør Anfinn Rosnes.

Me snakkast!