Infisert sone for fugleinfluensa innført i sju kommunar i Rogaland

Mattilsynet har innført ei infisert sone for fugleinfluensa i delar av Rogaland etter påvising av høgpatogen aviær influensa (HPAI) hos ville fuglar.

Tiltaka er heimla i Forskrift om infisert sone for høypatogen aviær influensa og Newcastlesyke og har som mål å hindre smittespreiing frå ville til tamme fuglar.

Kven blir råka av tiltaka?

Alle som held fugl – anten det er hobbydyr som høner, duer og papegøyar, eller kommersielt fjørfehald – må følgje dei nye reglane. Dette omfattar også aktivitetar som fuglejakt og utsetting av fuglevilt.

Viktige tiltak i infisert sone:

• Fuglar må haldast innandørs eller vere skjerma
• Forbod mot utandørs vassreservoar for fugl
• Fôr og vatn skal vere beskytta
• Forbod mot samlingar av dyr  

Biosikkerheitstiltak – alltid viktig

• Kommersielle fjørfeanlegg skal følgje krava i dyrehelseforskrifta
• I andre anlegg med fugl er det viktig:
  • At færrest mogleg kjem i kontakt med fuglane
  • Å vaske hender og utstyr
  • Å bruke eige skotøy og skoovertrekk
  • Å bruke desinfeksjonsmiddel

Meir informasjon

For oppdatert informasjon og full oversikt over reglane som gjeld i infisert sone, sjå:

• Hva gjelder for deg som har dyrehold med fugl i infisert sone for fugleinfluensa i Rogaland | Mattilsynet
• Forskrift om infisert sone – Lovdata

For fagleg informasjon om sjukdommen, sjå gjerne Veterinærinstituttet;  Aviær influensa (fugleinfluensa) - Veterinærinstituttet