Alvorleg skolefråvær

Alvorleg skolefråvær

Når barn og unge ikkje møter på skolen over tid, er det ofte krevjande for både barnet, foreldra og skolen. Alvorleg skolefråvær handlar sjeldan om manglande vilje. Det er som regel eit teikn på at barnet ikkje har det bra, eller at skolekvardagen vert opplevd for vanskeleg.

Skolefråvær er eit samansett problem

Årsakene til alvorleg skolefråvær kan vere mange og ulike. Det kan handle om skolemiljø, helse, trivsel, faglege utfordringar eller forhold i familien. Difor må skolen arbeide saman med foreldra og relevante tenester i kommunen for å finne gode og varige løysingar. Tidleg innsats og samarbeid på tvers er avgjerande for å hindre at fråværet festar seg.

Skolens ansvar

Opplæringslova stiller krav til korleis skolen skal følgje opp elevar som ikkje får eit fullt og forsvarleg opplæringstilbod. Regelverket handlar mellom anna om:

• retten til eit trygt og godt skolemiljø
• tilpassa opplæring og individuelt tilrettelagt opplæring (ITO)
• samarbeid mellom skole, foreldre og andre tenester i kommunen

Statsforvaltaren fører tilsyn med at kommunar og skolar følger regelverket og behandlar klager etter opplæringslova.

Meir fagleg rettleiing

Utdanningsdirektoratet har samla målretta og oppdatert rettleiing om barn og unge som ikkje møter på skolen. Her finn du faglege råd, eksemplar frå praksis og utdjupande informasjon om regelverket.

• Barn som ikke møter på skolen | udir.no
• Fravær i skolen | udir.no