Klima

Utsleppet av klimagassar i Noreg må ned for at vi skal nå dei internasjonale og nasjonale måla som er definerte i Parisavtalen og klimalova. Vi kan avgrense klimaendringane ved å redusere klimagassutslepp og å auke opptak og binding av karbon. Samtidig må vi erkjenne at klimaet alt er i ferd med å endre seg, og at vi må tilpasse oss eit endra klima.

Utsleppsreduksjonar

Statsforvaltaren skal arbeide for å redusere utslepp av klimagassar på ei rekkje område. Vi er bindeleddet mellom nasjonal klimapolitikk og kommunar og andre aktørar i fylket. Statsforvaltaren har dessutan ein viktig funksjon i å følgje opp planarbeidet i kommunane, både som rettleiar i kommunal planlegging og ved å fremje motsegn dersom planar er i strid med nasjonale retningslinjer. På landbruksområdet informerer og rettleiar vi om tiltak og verkemiddel som kan redusere klimagassutsleppa og auke opptak og binding av karbon. Vi jobbar for å formidle kunnskap og informasjon om klima til kommunane innanfor alle ansvarsområda våre. Dette gjer vi gjennom dialog med kommunane og gjennom samlingar, kurs og konferansar.

Klimatilpassing

I Noreg betyr klimaendringane i hovudsak høgare gjennomsnittstemperatur, auka nedbørintensitet, auka avrenning, færre dagar med snø, auka havnivå og konsekvensar for naturmiljøet. Endringane gir auka risiko for flaum, stormflo, skred (både jordskred og snøskred) og skader som følgje av overvatn. Klimaendringane har også meir sakteverkande effektar på natur og samfunn, som endringar i artar og økosystem og endra vilkår for naturbaserte næringar som fiskeri, landbruk og reiseliv. Klimaendringane har ulike konsekvensar i ulike område av landet, og nødvendige tiltak kan variere frå stad til stad. 

Statsforvaltaren skal bidra til at samfunnet klarer å avgrense den negative effekten av klimaendringane. Rolla vår er å ta avgjerder og vere rettleiar innan fleire av fagområda våre. Arealplanlegging har ei nøkkelrolle i klimatilpassingsarbeidet, og Statsforvaltaren rettleiar og kan komme med motsegn. Statsforvaltaren har dessutan ei sentral rolle innanfor regional samfunnstryggleik og beredskap, som omfattar tilsyn, rettleiing og risikoførebyggande arbeid, og handtering av akutte situasjonar. Landbruk, avløp, naturforvaltning og vassforvalting er andre fagområde der Statsforvaltaren kan vere med og bidra til at samfunnet er førebudd på å tole konsekvensane av et endra klima.

Vis meir


Publisert 10.08.2021

Varsellampene blinkar i ny delrapport frå FNs klimapanel

Alvorlege klimaendringar er i full gang. Utsleppa av klimagassar har auka sidan siste hovudrapport frå klimapanelet som kom i 2014. Det er framleis mogleg å nå måla i Parisavtala, viss vi vil og gjer det som skal til.


Publisert 26.01.2021 av Lena Skattum Sandvik

Få tilskot til klimatiltak!

Klimasats er den viktigaste støtteordninga for kommunar som ønskjer å kutte i klimagassutslepp og bidra til lågutsleppsamfunnet. Søk før 15. februar!


Publisert 29.06.2020

Innspel til klimaarbeid på Sunnmøre

Bor du på Sunnmøre, kan du no enkelt vere med å forme korleis framtida der skal sjå ut. Har det blitt lettare å reise kollektivt, eller er det etablert bildelingsordningar og system for samkøyring? Kan ein lade elbilen på ferja eller mens ein står i ferjekø? Et alle meir lokalprodusert mat?

Har du ei meining om korleis framtida skal sjå ut, er det veldig viktig at du deler den!


Publisert 17.01.2020

Fylkesmannen betre rusta til å hjelpe kommunane

FNs berekraftsmål om å stoppe klimaendringane seier at vi skal "Handle umiddelbart for å bekjempe klimaendringene og konsekvensene av dem". Fylkesmannen i Møre og Romsdal har vedtatt at vi skal ha klimaomstilling som satsingsområde dei komande åra for å sikre trygg framtid for folk og natur. Vi har satt ned ei arbeidsgruppe som skal gi råd og rettleiing til klimaarbeid i kommunane.


Publisert 19.12.2019

Hjelp til lokal planlegging for klimaendringar

Klimaet er i endring, og kommunane har eit ansvar for å redusere konsekvensane. Statleg planrettingsline for klima- og energiplanlegging og klimatilpassing (SPR) gir føringar for korleis dette skal handterast i plan. Det er no utarbeida ein rettleiar til delen om klimatilpassing.


Publisert 19.12.2019

Vær Smart! - kurs i klimatilpassing

«VÆR SMART!» er Miljødirektoratet sitt kursopplegg om klimatilpassing for kommunane. Kurset er tverrfagleg og relevant for mange ulike delar av kommunen. Det same kurset vil bli arrangert både i Ålesund og Kristiansund.


Publisert 15.06.2018

Energi fra Nyhamna til nytt landbasert fiskeoppdrettsanlegg ved Indre Harøy

Fylkesmannen ber Miljødirektoratet sammen med aktuelle myndigheter og næringa om å vurdere muligheten for å overføre kjølevannet fra Gassco AS sitt anlegg ved Nyhamna til Salmon Evolution AS sitt planlagte anlegg ved Indre Harøy.


Publisert 01.02.2017

Klimasats - støtte til klimasatsing i kommunane 2017

Miljødirektoratet lyser ut midlar som kommunar og fylkeskommunar kan søke på til tiltak som reduserer utslepp av klimagassar og bidreg til omstilling til lågutsleppsamfunnet. 


Publisert 13.05.2016

Midlar til klimatiltak i kommunane

Regjeringa har sett av 100 millionar til tiltak for å redusere klimagassutslepp. Ordninga er kalla klimasats, og det er kommunar og fylkeskommunar som kan søkje tilskot. Søknadsfrist er sett til 23. juni 2016.


Publisert 13.05.2016

Film om klimatilpasning i kommuner

Miljødirektoratet har laga ein kort film som viser nokon av dei utfordringane og moglegheitene norske kommunar har i møte med klimaendringane. Sjå filmen her og les meir om filmen og klimautfordringar på www.miljøkommune.no.