Kunngjering av løyve til anleggsarbeid i sjø - utviding av cruisekaia i Eidfjord - for Visit Eidfjord KF
Statsforvaltaren gav 16. oktober 2025 Visit Eidfjord KF løyve til anleggsarbeid i sjø for utviding av Eidfjord cruisekai. Føremålet med tiltaket er å etablere landstraumanlegg slik at cruiseskipa kan nytte straum i staden for å ha motorane gåande medan dei ligg til kai. Oppstart av peling for kaiutvidinga er planlagd til midten av november 2025. Pelearbeidet er venta fullført i løpet av desember 2025.
Søknad og løyve med vilkår ligg til høgre på denne sida.
Løyvet ligg også på www.norskeutslipp.no.
Rett til å klage
Partane som er involvert i saka og andre med særlege interesser, kan klage på vedtaket innan fire veker. Klaga skal sendast til Statsforvaltaren, som kan gjere om vedtaket eller sende klaga vidare til Miljødirektoratet. Merk klaga med referansenummeret 2025/13397.