Tilråding: Nesfjellet i Seljord

Nestjønn ligg sørvest for Seljordsvatn og statsforvaltarens vurdering er at verneforslaget har regional verdi (**) samla sett. 

Føremålet med vernet er å ta vare på eit skogområde som representerer ein bestemd type natur i form av gammal granskog, gammal boreal lauvskog og sørboreal blandingsskog i låglandet.

Området har særskilt naturvitskapleg verdi på grunn av ei rekke sjeldne og truga artar av karplanter, lav, moser og sopp, og rik førekomst av død ved med høy kontinuitet.

Det er ei målsetting å ta vare på verneverdiane i mest mogleg urørd tilstand, og eventuelt vidareutvikle dei.