Auke i utbetalt produksjons- og avløysartilskot tilnærma lik prisveksten i 2025
Sum utbetalt produksjons- og avløysartilskot i Rogaland var i 2025 opp 3,2 prosent pr føretak i forhold til året før. Prisveksten i samfunnet var 3,1 prosent.
Etter nokre år med kraftig auke i produksjons- og avløysartilskot per føretak var me i Rogaland i 2025 på eit nivå tilsvarande gjennomsnittleg prisvekst i samfunnet. Endringane i tal bruk som mottek tilskot er svakt fallande. I 2025 blei tal føretak som søkte om tilskot redusert med 0,9 prosent. Her det det merkbare forskjellar mellom kommunane utan at me ser nokre klare trendar på om det er store eller små, sentrale eller utkantskommunar som taper eller beheld tal føretak som er berettiga tilskot. Det kan tyde på at det ikkje er ei geografisk utfordring, men forhold i den enkelte kommune, lokalmiljø og vurderingar som blir teke på det enkelte bruk.
Prosenttal må lesast med varsemd då små endringar i kommunar med få jordbruksføretak vil syne ei uforholdsmessig stor endring når me gjer det om til prosent.
