Lik spreiefrist for husdyrgjødsel i nesten heile Rogaland

Lokal forskrift avgrensar spreiing av husdyrgjødsel og anna organisk gjødsel til seinast 1. september. Dette gjeld for kommunane Bjerkreim, Bokn, Eigersund, Haugesund, Hjelmeland, Karmøy, Lund, Sauda, Sokndal, Strand, Suldal, Tysvær og Vindafjord. Jæren har etter gjødselbrukforskifta allereie 1. september som spreiefrist. 

Agronomiske tilrådingar er å spreie husdyrgjødsel på våren og i vekstsesongen når plantar har størst vekstpotensial. I dei fleste høva vil to spreiingar av husdyrgjødsel føre til at ein når øvre grense for kva ein kan gjødsle med fosfor for inneverande vekstsesong. Dette tilseier at det normalt sett ikkje er rom for å tilføre meir fosforhaldig gjødsel mot slutten av vekstsesongen. Bønder i Rogaland har innretta seg til 1. september som spreiefrist i mange år.