"Når potten for investeringsmidlar er tom og behovet stort – innsikt og vegval"

Det regionale landbrukspartnarskapet i Rogaland har meldt at mjølkeprosjekt vil ha høgaste prioritet i 2026. Dette er grunna kravet om lausdrift som trer i kraft i 2034, og som krev omfattande omstilling i mjølkeproduksjonen.

Innovasjon Norge Rogaland har allereie mottatt eit stort volum av søknader om investeringsmidlar frå mjølkeprosjekt, men og frå andre dyreslag enn mjølkeku. Dette inneber at IBU-potten for 2026 i praksis er oppbrukt for nye søknader utanfor mjølkeproduksjon.

Samtidig er det eit stort investeringsbehov i heile husdyrsektoren. Produksjonar som storfe, gris og sau står overfor krav om meir areal og tilpassingar for å møte nye standardar for dyrevelferd.

Dette stiller oss overfor harde prioriteringar, og det er viktig med open dialog om kva som ligg til grunn for vurderingane. Partnarskapet vil, trass sterk konkurranse om midlane, fortsett ha fokus på mobilisering for å styrke konkurransekrafta og verdiskapinga i landbruket.

På webinaret vil Innovasjon Norge fortelje om prioriteringar og status for bruken av midlane. Vi vil og få høyre om behovet for investeringar for å betre dyrevelferda hos storfe, gris og sau, og kva for tekniske og økonomiske løysingar som blir tilrådd av fagfolk.

Målgruppe: Bønder, kommunal landbruksforvaltning, rådgivarar, næringssjefar, næringshagar og andre interesserte                                                                          

Gratis deltaking!

Påmelding

Dagen før webinaret får du ein invitasjon via Teams. Dersom du ikkje finn lenka, sjekk søppelposten din om lenka ligg der.

Elektronisk påmelding innan 28. november 2025 til eli.serigstad@statsforvalteren.no  

Program

• Velkomen ved Anfinn Rosnes, Statsforvaltaren i Rogaland
• Korleis prioriterer Innovasjon Norge investeringsmidlane for 2026 i ei tid med stor etterspurnad? Olav Tegle og Aart Magnussen, Innovasjon Norge Rogaland
• Friskare gris – men kva krev det? Fornying og løysingar i SPF-arbeidet. Lars Terje Bogevik, Norsvin
• Beinstrekk
• Kva må gjerast for å heve dyrevelferda i sauehaldet? Tore Oftedal, Nortura
• Stram økonomi og store behov. Ombygging og nybygg for ammekuproduksjon - kva er mogleg. Torger Frøyland, Fatland
• Spørsmål og dialog