Tilskot til kompetansehevande tiltak for lindrande behandling og omsorg ved livets slutt
- Søknadsfrist:
- 1. mars 2026 23:59
- Målgruppe:
- Leiarar og tilsette i den kommunale helse- og omsorgstenesta. Endeleg målgruppe er pasientar som treng lindrande behandling og omsorg, uavhengig av diagnose og deira pårørande. Det kan vere pasientar med alvorleg/livstruande sjukdom og eldre med alvorleg skrøpelegheit med avgrensa forventa levetid.
- Ansvarleg etat:
- Statsforvaltaren i Vestland
- Kven kan søke:
- Kommunar i Vestland og Rogaland
- Rapporteringsfrist:
- 1. mars 2026 23:59
Formålet med tilskotet er å styrke kvaliteten i tilbodet til pasientar som treng lindrande behandling og omsorg og deira pårørande. Det skal også bidra til å bygge opp kompetanse i kommunane.
Tilskotet skal også bidra til samarbeid mellom kommunar og frivillige organisasjonar om kompetansehevande tiltak og bidra til at pårørande blir teke vare på.
Kommunar og bydelar, medrekna vertskommunar for Utviklingssenter for sjukeheim og heimetenester (USHT), kan søkje. Ved interkommunale tiltak eller prosjekt må ein einskild kommune stå som formell søkjar. Ved interkommunale tiltak eller prosjekt bør de legge ved samarbeidsavtale i søknaden. Ved fleire søknadar frå same kommune, innanfor dette tilskotet, må kommunen prioritere søknadene, og samle dei i éin oversending.
Kommunar i Vestland og Rogaland skal sende søknadsskjema og rapporteringsskjema til Statsforvaltaren i Vestland, som vedlegg i e-post til: sfvlpost@statsforvalteren.no
Vi oppfordrar kommunar til å søkje råd og rettleiing hos Regionale kompetansesenteret for lindrande behandling når de utformar prosjekt og søknad.
Tilskotet blir forvalta i eit samarbeid mellom dei regionale kompetansesentera for lindrande behandling og Statsforvaltaren. Søknader blir handsama innan 22. mai 2026.
Du finn søknads- og rapporteringsskjema under «Dokument». Tabellane i skjemaa er dessverre ikkje universelt utforma. Ta kontakt med oss om du treng dette.
Rapporteringsfrist for tilskot motteke i 2025 er 1. mars 2026.
Du finn regelverk og meir informasjon om tilskotet på heimesida til Helsedirektoratet: Kompetansehevende tiltak for lindrende behandling og omsorg ved livets slutt - Helsedirektoratet
Digitalt møte om tilskot 23. januar
Vi arrangerer eit digitalt møte om tilskotsordningane vi forvaltar på helse-, sosial- og barnevernsfeltet 23. januar. Meir informasjon og moglegheit for påmelding finn du på følgjande side: Digitalt møte om tilskot på helse-, sosial- og barnevernsfeltet | Statsforvaltaren i Vestland
- Søknadsfrist:
- 1. mars 2026 23:59
- Målgruppe:
- Leiarar og tilsette i den kommunale helse- og omsorgstenesta. Endeleg målgruppe er pasientar som treng lindrande behandling og omsorg, uavhengig av diagnose og deira pårørande. Det kan vere pasientar med alvorleg/livstruande sjukdom og eldre med alvorleg skrøpelegheit med avgrensa forventa levetid.
- Ansvarleg etat:
- Statsforvaltaren i Vestland
- Kven kan søke:
- Kommunar i Vestland og Rogaland
- Rapporteringsfrist:
- 1. mars 2026 23:59
Kontaktpersonar
-
Beate Helland
Tlf: 55 57 22 15