Krisesenter

Eit krisesenter er ein institusjon som tek imot personar som er utsette for vald i nære relasjonar.

Det er kommunen som skal sørgje for at det finst eit tilbod om krisesenter for alle som treng det. Kommunen skal òg sørgje for at krisesenteret oppfyller krava i krisesenterlova. Formålet med denne lova er å sikre at det finst eit godt tilbod til kvinner, menn og barn som er utsette for vald eller truslar om vald frå nokon som står dei nær.  

  • Eit krisesenter er eit tilbod om ein mellombels stad å bu. Det skal vere gratis, døgnope og tilgjengeleg heile året.
  • Tilbodet skal vere tilrettelagt for kvar enkelt brukar.
  • Krisesenteret og andre offentlege tenester skal vere samordna og gi brukaren heilskapleg oppfølging.
  • Dei som har budd i krisesenter, skal få tilbod om oppfølging etter at dei har flytta ut.  

Krisesenterlova pålegg kommunen å føre internkontroll med at krisesenteret og den verksemda krisesentertilbodet omfattar, er i samsvar med gjeldande regelverk.   

Statsforvaltarens ansvar

Statsforvaltaren fører tilsyn med at kommunen følgjer opp oppgåvene sine etter føresegnene i krisesenterlova. Tilsyna våre rettar seg mot kommunen, ikkje det enkelte krisesenteret.

Vis meir


Publisert 15.12.2021

Informasjonsfilm og mal til kommunane om hjelpetilbod

Krisesentersekretariatet har utarbeidd ein mal og ein film om kva som bør finnast av informasjon på kommunane sine nettsider om hjelpetilbod til alle som er utsett for vald i nære relasjonar.


Publisert 04.06.2021

Ikkje alle skal halde seg heime under pandemien

Barne-, ungdoms- og familiedirektoratet har omsett informasjonsfilmar om krisesenter til ei rekkje ulike språk. 


Publisert 31.10.2019

Korleis identifisere mindreårige utsett for menneskehandel?

Å identifisere eit barn som mogleg offer for menneskehandel kan vere vanskeleg. Ein ny rettleiingsfunksjon kan hjelpe deg på veg.


Publisert 09.09.2019

Rettleiar for eit godt krisesentertilbod

Barne-, ungdoms- og familiedirektoratet har utarbeidd ein rettleiar som skal hjelpe kommunane til å gje innbyggjarane eit godt krisesentertilbod.