Heahteguovddášláhka
Gielda dat galgá lágidit heahteguovddášfálaldaga dárbbašeddjiide. Gielda galgá maid fuolahit das, ahte heahteguovddáš ollašuhttá heahteguovddášlága gáibádusaid. Lága ulbmil lea sihkkarastit, ahte nissonat, albmát ja mánát ožžot buori fálaldaga, jos sii leat vásihan veahkaválddi dahje veahkaválddi áitagiid lagaš olbmos.
- Heahteguovddáš fállá gaskaboddasaš orrunsaji. Dat galgá leat nuvttá, rabas olles jándora ja olámuttus olles jagi.
- Fálaldaga galgá heivehit juohke geavaheaddjái.
- Heahteguovddáža ja eará almmolaš bálvalusaid galgá heivehit oktii, nu ahte geavaheaddji oažžu ollislaš čuovvuleami.
- Dat geat leat orron heahteguovddážiin, galget oažžut čuovvuleami, go sii leat daid guođđán.
Heahteguovddášláhka geatnegahttá gielddaid gozihit heahteguovddáža siskkáldasat, nu ahte heahteguovddáš ja dan doaimmat čuvvot gustovaš njuolggadusaid.
Fylkkamánni ovddasvástádus
Fylkkamánni galgá bearráigeahččat, ahte gielddat devdet geatnegasvuođaideaset heahteguovddášlága ektui. Fylkkamánni goziha nappo gielddaid, iige heahteguovddážiid.