Webinar - Status for biogassproduksjon i Rogaland
Det manglar ikkje på initiativ innanfor biogassprosjekt i Rogaland. Kva er status for dei ulike prosjekta og kva blir eventuelt gevinsten for bonden ved å levera til biogassanlegg? Rogaland biogassnettverk inviterer til temamøte på Teams, 22. mai kl. 12.00-14.00.
Initiativa presenterer planane sine i Rogaland
Enova har delt ut 437 millionar kroner til 8 biogassprosjekt på landsbasis, der 5 av prosjekta høyrer til i Rogaland. Bio Jæren i Hå, Bioenergi Finnøy i Stavanger, Vireo på Karmøy, Havila i Tysvær og Biovind i Vindafjord har alle fått støtte til initiativa sine. Fleire andre initiativ i Rogaland er på ulike stader i planlegginga og under temamøte vil heile 8 initiativtakarar presentera planane sine for biograssproduksjon.
Betydninga for bonden på dagsordenen
Det er knytt viktige spørsmål til kva biogassprosjekta har av betydning for bonden. Malin Olsen Wedaa, forskar ved NMBU, vil ta for seg biogass i klimakalkulatoren og kva som potensielt blir gevinsten til bonden. Seinare i møte vil Peter Willman frå Klepp kommune og biogassnettverket fortelja om verdsetjing av klimagevinsten.
Det vil bli lagt opp til diskusjon under møte og det blir oppmoda til spørsmål og kommentarar.
Hald av tidspunktet i kalenderen og meld deg på møte. Alle påmelde får kalenderinnkalling til Teamsmøte i forkant. Påmelding innan 1 time før!
Vel møtt!
Om prosjektet
Prosjektet "Kunnskapsløft for robust klimaomstilling i Rogaland" er ei felles offentleg satsing for å få fram kunnskap om biogass, og legga til rette for kunnskapsformidling ved innføring av nytt gjødselregelverk.
Klepp kommune eig prosjektet. Kommunane Hå, Time, Stavanger og Vindafjord, samt Haugaland vekst og Statsforvaltaren i Rogaland er med på satsinga.
