Endringar i barnevernlova frå 1. juli 2018
Barnevernlova er endra for å betre rettstryggleiken til barn og foreldre. Lova gir barn rett på tenester, styrka medverknad og kjærleik kjem inn i lovteksten.
Dette innhaldet er meir enn eitt år gammalt. Informasjonen kan derfor vere utdatert.
Rett på tenester
Barnet si rett til nødvendige barnevernstiltak er lovfesta i § 1-5.
Styrker barn sin medverknad
Barnet sin sjølvstendige rett til å medverke i alle forhold som gjeld seg, er tydelegare.
Kjærleik inn i lova
Formålsregelen er endra for å bidra til at barn skal bli møtt med tryggleik, kjærleik og forståing.
Oppfølging av barn og foreldre
Korleis barneverntenesta skal følgje opp barn og foreldre etter at barnet er flytta ut av foreldreheimen, er tydelegare.
Familie/nære nettverk til barnet skal involverast
Barnevernstenesta si plikt til å vurdere om nokon i barnet sin familie eller nære nettverk kan vere fosterheim, er lovfesta.
Betre dokumentasjon
Når barneverntenesta vel å leggja bort bekymringsmeldingar og undersøkingar, blir det stilt krav om skriftleg grunngjeving.
Klargjering og forenkling av reglane om opplysningsplikt
Reglane om opplysningsplikt til barnevernet blir endra, både i barnevernlova og i andre særlover. Endringane skal klargjere og forenkle føresegna slik at de blir lettare å bruke for dei som er omfatta av opplysningsplikta.
Lovendringane bygger på forslag frå Barnevernlovutvalget si innstilling NOU 2016: 16 Ny barnevernslov sikring av barnets rett til omsorg og beskyttelse.
BLD skal vurdere resten av utvalet sitt forslag og vil sende et forslag til ny barnevernslov på høyring i 2019.