Korleis snakke med barn om vald og overgrep
RVTS Vest og Statsforvaltarane i Vestland og Rogaland inviterer til introduksjonskurs i korleis snakke med barn og unge om vald og overgrep.
Dette innhaldet er meir enn eitt år gammalt. Informasjonen kan derfor vere utdatert.
Vald og overgrep mot barn og unge er eit stort samfunnsproblem. Vi veit at mange barn veks opp med vald, overgrep og omsorgssvikt, og vi veit at det aukar risikoen for alvorlege fysiske og psykiske helseplagar seinare i livet.
Barn treng trygge vaksne. På introduksjonskurset vert du kjent med nettressursane «Snakke med barn» og «Jeg vet». Desse ressursane kan bidra til at nettopp du vert ein vaksen som vågar å sjå, og tør å handle når du er bekymra for eit barn.
Kursinnhald
Etter kurset vil du
- ha grunnleggande kunnskap om kva som er viktig i samtalar med barn og unge
- ha god oversikt over dei digitale kunnskapsplattformane snakkemedbarn.no og jegvet.no
- ha god kjennskap til simuleringsdelen av snakkemedbarn.no
- kunne bruke snakkemedbarn.no til undervisning, utvikling og rettleiing i tenesta di
- kunne bruke snakkemedbarn.no til eigentrening og utvikling i samtalar med barn og unge
- få mogelegheit til å melde deg som "Snakke-fadder"
Førelesarar er barnevernspedagog Linda Kvalvik og psykologspesialist Steinar Hvål.
Førebuing til kurset
Vi ønskjer at de gjer dykk kjent med følgjande nettressursar
- snakkemedbarn.no - her er det ein fordel om du har registert deg
- jegvet.no
- filmen "Snakke sammen - hvordan opprette brukerprofil?"
- RVTS Vest si nettside "Trygg til handling"
Når: 13. april kl 09-14
Stad: Digitalt
Påmelding: trykk her
Kontaktpersonar
