Informasjonsbrev veke 16/2026

Innleige avløysar frå avløysarlag - avløysartilskot - presisering frå Landbruksdirektoratet

Dette gjeld ny forskrift om innleige av avløysar frå avløysarlag, informasjon frå Landbruk Nordvest og nokre spørsmål som kom i samband med det. Vi har i eit tidlegare nyheitsbrev (i veke 8) informert om vår vurdering av dette, og har no i tillegg fått Landbruksdirektoratet si vurdering. 

Landbruksdirektoratet v/seksjon direktetilskot skriv dette: “... Håndheving og kontrollering av reglene om innleie av arbeidskraft ligger til Arbeidstilsynet som særlovsmyndighet, ikke landbruksforvaltningen. Det er med andre ord ikke opp til landbruksforvaltningen å konstatere brudd på reglene om innleie av arbeidskraft. Dersom landbruksforvaltningen mottar dokumentasjon som indikerer ulovlig innleie, bør Arbeidstilsynet orienteres.

Når det gjelder eventuell reaksjon i produksjons- og avløsertilskudd eller tilskudd til sykdomsavløsning, har vi ikke grunnlag i forskriftene for verken å avslå eller avkorte tilskuddene, ved eventuelle brudd på arbeidsrettslige regler om innleie. Regelen i § 11 i begge forskrifter om avkorting for brudd på annet regelverk er forbeholdt brudd på “regelverk for jordbruksvirksomhet”. Eventuelle brudd på arbeidsrettslige regler, faller dermed utenfor dette.

Landbruksdirektoratet sitt syn på dette er samanfallande med vårt syn og det vi tidlegare har formidla.

Kontaktperson: Per Eldar Nakken

Fagwebinar om skogskadar

Kommunane har ansvar for å overvake skogen med tanke på skogskadar, og for å melde inn funn både til Statsforvaltaren og i den nasjonale registreringsportalen Skogskader.no. For å støtte kommunane i dette arbeidet inviterer Statsforvaltaren til eit fagwebinar om skogskadar og bruk av registreringsportalen.

Dato: 20. mai 2026 
Tid: kl. 09.00–10.00 Stad: Digitalt møte på Teams 
Innleiar: Paal Krokene, NIBIO

På webinaret vil deltakarane få ei praktisk og fagleg innføring i Skogskader.no, inkludert rettleiing i korleis skogskadar kan registrerast på ein god og føremålstenleg måte. Det vil òg bli gitt informasjon om opplasting av digitale bilete, samt ein gjennomgang av korleis innmelde rapportar blir sende til NIBIO for kvalitetssikring.

Invitasjon med Teams-lenkje er sendt direkte til alle skogansvarlege i kommunane. Vi håpar de tek dykk tid til å delta, og at webinaret kan bidra til å styrkje arbeidet med overvaking og rapportering av skogskadar

Kontaktperson: Christina Qvam Heggertveit

ØKS: Godkjenne virkesopplysningar 2026 – 4. Frist torsdag 23. april

Virkesopplysningar for periode 2026 - 4 er klar for kontroll og godkjenning i kommunane. Frist for å godkjenne er torsdag 23. april. Hugs også eventuell fil med manuelt registrert virke. 

Kontaktperson: Åslaug Røberg

Vårens omfordeling for SMIL, drenering og tiltak i beiteområde – Frist onsdag 22. april

Det er laga eit skjema med innmelding av behov og/eller midlar til omfordeling som alle kommunar må svare på.

Lenke til skjema: Omfordelingsrunde vår 2026 -  SMIL, drenering og tiltak i beiteområde  – Fyll ut skjema

Frist for å svare er onsdag 22. april

Kontaktperson: Tone Rørseth 

Påminning - Kandidat til kulturlandskapsprisen 2026 – Frist fredag 1. mai

Vi oppmodar alle kommunar til å foreslå ein kandidat innan fristen 1. mai! 

Du kan sende inn forslag via det elektroniske skjemaet her: Forslag på kandidat til Kulturlandskapsprisen for Møre og Romsdal 2026.  Eller du kan sende eit forslag til på e-post til underteikna. 

Gjennom åra har vi fått mange sterke og gode kandidatar frå den kommunale landbruksforvaltninga – fleire av dei har òg vunne prisen. Dykkar innsikt og nærleik til næringa gjer dykk særleg godt eigna til å peike ut aktuelle kandidatar.

Vi har enda ikkje hatt nokon vinnar frå følgande kommunar: Aukra, Aure, Averøy, Giske, Hareid, Kristiansund, Sande, Sula, Tingvoll, Ulstein, Volda, Ørsta og Ålesund - og ønskjer gjerne forslag på kandidatar frå desse kommunane. 

Du kan lese meir og sjå tidlegare vinnarar her: Kulturlandskapsprisen i Møre og Romsdal | Statsforvaltaren i Møre og Romsdal 

Kontaktperson: Ragnhild Naug Aas