Løyve etter forureiningslova for utbetring av badestranda ved Etne småbåthamn i Etne kommune
Statsforvaltaren i Vestland gav 21. januar 2026 løyve etter forureiningslova til Etne båtlag for mudring og dumping av massar, samt utlegging av naturstein og skjelsand. Formålet er å utbetre badestranda ved Etne småbåthamn i Etne kommune.
Båtlaget har satt i gang eit dugnadsprosjekt ved gnr./bnr. 10/1 for å reinska stranda for blautmasse og leggje ut eit 30 cm tjukt lag med skjelsand på området. Volumet sand utgjer 900 m3 over eit areal på 3000 m2. Dei oppmudra blautmassane med eit volum på 150 m3 er planlagde flytta og dumpa under flytebryggje over eit areal på 400 m2 på om lag 10-15 meters djupn.
Statsforvaltar har gjeve løyve etter forureiningslova med vilkår for utføring av anleggsarbeida.
Søknad og løyve med vilkår ligg til høgre på denne sida.
Løyvet ligg også på www.norskeutslipp.no.
Rett til å klage
Partane som er involvert i saka og andre med særlege interesser, kan klage på vedtaket innan fire veker. Klaga skal sendast til Statsforvaltaren, som kan gjere om vedtaket eller sende klaga vidare til Miljødirektoratet. Merk klaga med referansenummeret 2025/14704.