Kunngjering - Endra løyve for Statens vegvesen Region vest for utslepp frå mellombels anleggsarbeid i Sunnfjord kommune
Statens vegvesen Region vest fekk 13. januar 2022 endra utsleppsløyve etter forureiningslova for arbeidet med bygging av E39 Myrmel – Lunde i Sunnfjord kommune.
Dette innholdet er mer enn ett år gammelt. Informasjonen kan derfor være utdatert.
Endringa består i at maksimal vassmengde for innlekkasjevatn vert auka til 30 l/min/100 meter. I det opphavelege løyvet er det rekna med eit innlekkasjevolum på maksimalt 15 l/min/100 meter. Statsforvaltaren gjev ikkje løyve til flytting av utsleppspunktet for reinsa tunnelvatn.
Løyvet er òg kunngjort på www.norskeutslipp.no
Rett til å klage
Partane som er involvert i saka og andre med særlege interesser kan klage på vedtaket innan tre veker. Klagen skal sendast til Statsforvaltaren, som kan gjere om vedtaket eller sende klagen vidare til Miljødirektoratet. Merk klagen med referansenummeret som står i saksdokumenta.