Rogaland får meir midlar til landbruksvikarverksemda
Statens landbruksforvaltning har gjort ei omfordeling av årsverk og midlar for 2014. Etter dette har Rogaland fått ein auke på kr 675.000 slik at samla støtte for 2014 utgjer kr 6.619.900 til landbruksvikarverksemda.
Dette innholdet er mer enn ett år gammelt. Informasjonen kan derfor være utdatert.
Ordninga omfattar om lag 240 landbruksvikarar som skal gi avløysing ved sjukdom og krisesituasjonar for husdyr- og grøntprodusentar. Bøndene kontaktar avløysarlaga ved behov for landbruksvikar. Ved ledig kapasitet kan landbruksvikaren også nyttast til anna avløysing.
Den statlege støtta utgjer kr 270.200 pr årsverk. Fylkesmannen fordeler årsverk og midlar innanfor sitt fylke, og ved fordelinga skal det leggjast vekt på m.a. husdyrtettleik, reiseavstander og kommunikasjon. I Rogaland er det dekning i alle kommunane.