Informasjonsbrev veke 37/2025

Aktuelle høyringar  

Forslag om endring i jordlova og skogbrukslova mv.  

Landbruks- og matdepartementet har føreslått å innføre ei søknadsordning for omdisponering av skog til innmarksbeite. I tillegg er det føreslått innføring av reglar om gebyr for brot på reglar i jordlova og skogbrukslova.  

Fristen for å sende inn høyringssvar er 1. november 2025. Du kan lese og svare på høyringa her:   

Høring – Forslag til endringer i jordlova og skogbrukslova mv. (omdisponering av skog til innmarksbeite og overtredelsesgebyr) - regjeringen.no 

Forslag om endring av plan- og bygningslova  

På vegne av Kommunal- og distriktsdepartementet og Klima- og miljødepartementet har Miljødirektoratet sendt forslag på høyring om forbod mot nedbygging av myr.  

Det er føreslått at eit forbod mot nedbygging av myr vert plassert i plan- og bygningslova § 1-8a, etter modell frå byggjeforbodet i strandsona. Forslaget omfattar all myr, uansett djupne. Forslaget inneber at bygging av landbruksvegar vil utløyse søknad om dispensasjon frå forbodet.  

Fristen for å sende inn høyringssvar er 1. november 2025. Du kan lese og svare på høyringa her:  

Forslag om endring av plan- og bygningsloven - forbud mot nedbygging av myr - miljodirektoratet.no 

Kontaktperson: Gunvor Fossholt Ytterstad 

Informasjon om produksjonstilskot i jordbruket 

Jordbruksføretak kan kvart år søke om produksjonstilskot og tilskot til avløysing ved ferie og fritid. For kvar søknadsomgang, som følgjer kalenderåret, er det to søknadstidspunkt. Desse er i mars og oktober. Tilskota blir utbetalt i februar det påfølgjande året. 

Utbetalinga av produksjonstilskot er basert på søknadane frå mars og oktober året før. I stor grad er dette tillitsbasert. Ein del opplysningar blir kontrollert mot ulike register, men fleire av opplysningane kan ikkje kontrollerast på anna måte enn ved stadleg kontroll eller innhenting av dokumentasjon. Ein del av søknadane blir kontrollert på denne måten. 

Dersom kontroll viser at det er registrert feil opplysningar, vil opplysningane blir korrigerte. Ein konsekvens vil normalt vere at tilskotet i tillegg blir avkorta med eit beløp tilsvarande det som feilopplysninga ville medført. Det betyr at utbetalt tilskot blir mindre enn ein ville hatt krav på ved å registrere riktige opplysningar i utgangspunktet. Dette er for at det ikkje skal vere risikofritt å føre opp t.d. for mange dyr eller for store areal. Målet er at tilskot skal bli utbetalt på riktig grunnlag. 

Kontaktperson: Per Eldar Nakken