Fleire vil satse på spesialisert kjøtproduksjon
Prosjektet «Økt sau- og storfekjøttproduksjon i Møre og Romsdal» starta opp i 2014, og vart avslutta i april 2017. Ambisjonen ved prosjektstart var 5 prosent produksjonsauke i forhold til 2012. I utgangspunktet vart dette oppfatta som offensivt – men ved prosjektslutt er målsetjingane oppfylt med god margin.
Dette innholdet er mer enn ett år gammelt. Informasjonen kan derfor være utdatert.
Slaktevektene på storfe har gått opp, og færre kalvar har blitt slakta. Det er framleis underdekking på storfekjøt, og innsatsen for å få fleire til å satse på ammekuproduksjon skal halde fram etter prosjektperioden.
Bildetekst: . Foto: Prosjektleiar Mathilde Solli Eide, Nortura
Prosjektet har jobba med fellesarrangement, studieturar og fagmøte, - i tillegg til individuelle råd. Fleire av bøndene har konkrete planar om å satse på ammeku, og nokre har fått finansieringa gjennom Innovasjon Norge på plass.
Prosjektet har bidratt til lokale møteplassar for sauenæringa, og stimulert til lokal aktivitet i Sau og Geit.
Kurs om sau for nye på Tingvoll ble avsluttet med fjøsbesøk hos Rune Hanem. Foto: Prosjektleiar Mathilde Solli Eide, Nortura
Nortura har vore prosjekteigar, og jobben er gjort i samarbeid med TINE, TYR Møre og Romsdal, Møre og Romsdal Sau og Geit, Møre og Romsdal Bondelag, Landbruk Nordvest, NORSØK/NIBIO og Felleskjøpet Agri.
Kontaktperson hjå Nortura er: Prosjektleiar Mathilde Solli Eide, mathilde.solli.eide@nortura.no, 48120936