No kan kommunar søkje om pengar til jordvernstrategi
Matjorda vår er ein ikkje fornybar ressurs, og grunnlaget for matproduksjon både no og i framtida. No kan kommunane få pengar til å lage ein jordvernstrategi.
Det er viktig å redusere nedbygginga av dyrka og dyrkbar jord. For å ta gode val er det nødvendig med god kunnskap om jordbruksareala. Ein jordvernstrategi gjev auka kunnskap om jordbruksareala og auka merksemd rundt jordvernet.
Landbruksdirektoratet har lyst ut pengar til å utarbeide kommunale jordvernstrategiar. Søknadsfristen er 15. april 2026.
Direktoratet vil særleg prioritere kommunar som har stort utbyggingspress på jordbruksareal og som snart skal rullere kommuneplanen. Sjå meir om utlysinga her: Nå kan du søke om midler til kommunale jordvernstrategier 2026 - Landbruksdirektoratet
Fleire kommunar rundt i landet har laga jordvernstrategiar
Råde kommune har laga ein jordvernstrategi dei kallar Matjordløftet: strategiplan_jordvern_rade_15-okt-2025_enkeltsider.pdf
Kommunane Frogn, Nesodden og Nordre Follo har laga felles jordvernstrategi:
Jordvernstrategi for Frogn, Nesodden og Nordre Follo kommuner.pdf
Fleire døme på jordvernstrategiar finn du i verktøykassa for jordvern hjå Landbruksdirektoratet: Verktøykasse for jordvern - Landbruksdirektoratet