Bremanger med godkjent budsjett og økonomiplan

Kommunestyret har vedteke eit budsjett og ein økonomiplan i balanse. Men drifta til kommunen har for dei seinare åra gått med ubalanse. For at kommunen skal klare å dekkje inn det resterande underskotet i 2021, og deretter bli meldt ut av Robek-registeret, er det avgjerande at netto
reduksjonar i drifta blir gjennomførte etter vedtaket til kommunestyret. Dette må bli vidareført i økonomiplanen, slik at kommunen kan byggje seg opp ein fri eigenkapital etter målsetjingane og sikre seg eit handlingsrom med ein økonomisk buffer.

Investeringar i bygningar og anlegg er budsjettert med 26,8 mill. kroner. Av dette skal 14 mill. kroner finansierast med nye låneopptak. I tillegg er det budsjettert med 2 mill. kroner i tilskot til Kyrkja, som dei skal nytte til rehabilitering av kyrkjer. Dette er også finansiert med lån. Lån frå Husbanken til vidare utlån er budsjettert med 3 mill. kroner.

Sjå vedlagt brev til kommunen.